Երեկ «Ճանաչիր քո երկիրը» երիտասարդական նախաձեռնությունը անդամները, «Մաքրենք հնավայրերը ժամանակակից աղբից» ակցիայի շրջանակներում, մեկնել են Վայոց Ձորի մարզի Շատինավանք համալիր (X դ.), որը վիճակը, Շատին գյուղի բնակիչների խոսքերով, տարեցտարի վատթարանում:

Երիտասարդները հավաքել են Շատինավանքում կուտակված աղբը, սակայն հուշարձանի պահպանման խնդիրը պետական համապատասխան մարմինների և Մայր աթոռ Սբ. Էջմիածնի մասնագետների հոգածության կարիքն է զգում:

«Երբեմնի հռչակավոր սրբատեղին համապատասխան մարմինների անտարբերության պատճառով այսօր աղետի շեմին է հայտնվել: Հայաստանի տարածքում մեր ժողովրդի պատմության ականատես հարյուրավոր հնավայրեր այսօր գտնվում են բարձիթողի վիճակում»,- նշվում է «Ճանաչիր քո երկիրը» նախաձեռնության տարածած մամուլի հաղորդագրության մեջ:

Նախաձեռնությունը հայտնում է, որ «Մաքրենք հնավայրերը ժամանակակից աղբից» հաջորդ ակցիան տեղի կունենա մայիսի 29-ին, և կոչ անում միանալ ակցիային' զանգահարելով (091) 60-07-44 հեռախոսահամարով: