1993 թվականին ստեղծված այս ստորաբաժանման առաջին խոշոր իրադարձությունը ազգային հերոս Մոնթե Մելքոնյանի՝ 1993 թվականի հունիսին տեղի ունեցած հուղարկավորությունն էր։

Հայաստանի զինված ուժերի պատվո պահակային վաշտում ծառայության անցնելու համար նորակոչիկները պետք է ունենան 180 սանտիմետրից մինչև 187 սանտիմետր հասակ։ Նրանք նաև պարտավոր են պահպանել լավ առողջություն և ունենալ բարձրագույն կրթություն։

Այսօր Հովհաննես Թումանյանի 154-ամյակի առթիվ պատվո պահակախումբը ծառայություն էր իրականացնում Ազատության հրապարակում` բանաստեղծի արձանի մոտ։