ՀՀ գյուղնախարար Սերգո Կարապետյանը, Արցախում հանդիպելով ԼՂՀ փոխվարչապետ, ֆինանսների նախարար Սպարտակ Թևոսյանի հետ, առաջարկել է Ստեփանակերտում եվրոպական չափանիշներով կառուցվող նոր շենքային պայմանների բազայի վրա ստեղծել սննդամթերքի անվտանգության ծառայություն: Կարևոր այս օղակը ՀՀ-ում արդեն գործում է:

Արցախի կառավարության տեղեկատվության և հասարակայնության հետ կապերի վարչության հաղորդմամբ՝ հանդիպման ընթացքում քննարկվել են նաև գյուղմթերքների արտահանման, դրանց ստանդարտացման, մասնագետների վերապատրաստման հետ կապված հարցեր: