Այսօր` ժամը 09:15-ին, Վայոց ձորի մարզի Արփի գյուղից ահազանգ է ստացվել, որ գյուղի «Արփա» ՋԷԿ-ը սնուցող ջրանցքի սկզբնամասում մարդ է ընկել ջուրը և անհրաժեշտ է փրկարարների օգնությունը:

Դեպքի վայր է մեկնել մարզային փրկարարական վարչության ջոկատը:

ժամը 09.30-ին փրկարարները` բնակիչների օգնությամբ ջրից դուրս են բերել Արարատի մարզի բնակիչներ` 1966թ.. ծնված Հուսիկ և 1990թ. ծնված Հակոբ Բավեյաններին, 1990 թ. ծնված Նարեկ Մարգարյանին և 1990թ. ծնված Անդրանիկ Թորոսյանին:

Տուժածները տեղափոխվել են Եղեգնաձորի բժշկական կենտրոն: 

Բժիշկների գնահատմամբ` Նարեկ Մարգարյանի առողջական վիճակը ծանր է, իսկ մյուս տուժածներինը` միջին ծանրության: Այս մասին տեղեկացնում է ՀՀ ԱԻՆ-ն: