Այսօր տեղի է ունեցել Երևանի նախկին քաղաքապետ Հայկ Մարությանի հիմնած «Նոր ուժ» կուսակցության հիմնադիր համագումարը։ 

Համագումարի ընթացքում Մարությանը հանդես է եկել ելույթով, ներկայացրել է կուսակցության ծրագրերը, գաղափարախոսությունը, ինչպես նաև քննադատել է գործող իշխանությունների վարած ներքին և արտաքին քաղաքականությունը։

Նորաստեղծ կուսակցությունը հայտնել է, որ «Նոր ուժ» ռեֆորմիստական կուսակցության նպատակը հանրաքվեներին, պետական և տեղական ինքնակառավարման մարմինների ընտրություններին մասնակցելու և հասարակության ու պետության քաղաքական կյանքին մասնակցության այլ ձևերով ժողովրդի քաղաքական կամքի ձևավորմանն ու արտահայտմանը նպաստելն է: «Նոր ուժ» կուսակցության գաղափարական հենքը սոցիալ-ռեֆորմիզմն է։