«Հրապարակը» տեղեկացնում է, որ մարտի 28-ին դատարանի որոշմամբ կալանք է դրվել «Հրապարակ» օրաթերթի գույքի և բանկային հաշիվների վրա: Պարզվում է` Ռոբերտ Քոչարյանը հայցադիմում է ներկայացրել օրաթերթի դեմ` պահանջելով 6 մլն դրամ փոխհատուցում պատիվն ու արժանապատվությունը վիրավորելու համար:

Քոչարյանն իր պատիվն ու արժանապատվությանը վիրավորող է համարել «Հրապարակ» օրաթերթի փետրվարի 15-ի «Քոչարյանին ոչնչացնում են, Ծառուկյանին՝ բացատրո՞ւմ» հրապարակումը և պահանջում է հերքել այն: Հայցադիմումի ներկայացման օրն իսկ դատարանը բավարարել է արգելանքի մասին պահանջը։