Քիչ առաջ Գուրգեն Արսենյանի ելույթից հետո, որն ավելի շատ բարոյախրատական ճառ էր, ԲՀԿ-ական պատգամավորներ Վարդան Օսկանյանը, Էլինար Վարդանյանը եւ Ստեփան Մարգարյանը ցուցադրաբար լքեցին խորհրդարանի դահլիճը:

Գուրգեն Արսենյանը արդյունավետ աշխատանք մաղթեց քաղաքական մեծամասնությանը: Անդրադառնալով հանրապետականների այն դիտարկմանը, թե ԲՀԿ-ն քաղաքականացնում է Վարդան Օսկանյանին անձեռնմխելիությունից զրկելու՝ գլխավոր դատախազի միջնորդության հարցը եւ դրանից քաղաքական դիվիդենտներ քաղում, Գուրգեն Արսենյանն ասաց, որ եթե քաղաքական մեծամասնությունը «ջոկել» է, որ ԲՀԿ-ն քաղաքական դիվիդենտներ հավաքելու խնդիր է տեսնում, թող դրա դեմն առնեն եւ Վարդան Օսկանյանին չզրկեն անձեռնմխելիությունից:

Այս պահին ամփոփիչ ելույթով հանդես է գալիս գլխավոր դատախազ Աղվան Հովսեփյանը: