Լոռու մարզպետ. «Ես անմիջական մասնակցելու եմ Սերժ Սարգսյանի քարոզչական բոլոր աշխատանքներին»
«Ես՝ որպես Հանրապետական կուսակցության Լոռու տարածքային կազմակերպության ղեկավար, անմիջական մասնակցություն եմ ունենալու նախագահի թեկնածու Սերժ Սարգսյանի քարոզչական բոլոր աշխատանքներին: Մեր կուսակցության ղեկավարին հնարավորինս աջակցելու եմ, որպեսզի նա ընտրվի հանրապետության նախագահ»,- «Հետքի» հետ զրույցում ասաց Լոռու մարզպետ Արթուր Նալբանդյանը:
Հունվարի 21-ին մեկնարկում է փետրվարի 18-ին կայանալիք նախագահական ընտրությունների քարոզարշավը:
Արթուր Նալբանդյանի կարծիքով՝ առաջադրված բոլոր թեկնածուներին էլ լուրջ մրցակից են Սերժ Սարգսյանի համար:
Միաժամանակ Արթուր Նալբանդյանը կանխատեսեց. «Բայց ընտրությունների արդյունքներով ես պետք է ասեմ, թե անկախ նրանից՝ նախագահական այս ընտրություններին ով կմրցակցեր Սերժ Սարգսյանի հետ, Հանրապետական կուսակցության առաջնորդը ձայների բացարձակ մեծամասնությամբ հաղթելու է և ընտրվելու է հանրապետության նախագահ»:
Մեկնաբանություններ (1)
Մեկնաբանել