Քաղաքագետ Նարեկ Գալստյանի կարծիքով, նախագահի թեկնածու Պարույր Հայրիկյանի դեմ կատարված մահափորձը Հայաստանի Հանրապետության, երկրի անկախության գաղափարի, պետականության դեմ ուղղված ոճրագործություն էր, որը մարդու ուղեղի մեջ չի տեղավորվում:

«Անկախացումից սկսած սա միակ նախագահական ընտրությունն էր, որ համամետաբար հանգիստ, ինչ-որ տեղ հումորային մթնոլորտում էր անցնում, շատ ջերմ էր... Ինչ-որ մեկը փորձում է ինչ-որ բան անել քաղաքական դաշտում՝ հույս ունենալով ազդել քաղաքական հետագա զարգացումների վրա: Չեմ հավատում, որ ինչ-որ անձնական խնդիրներ կարող էին այստեղ լինել:

Այսօր առաջադրված թեկնածուներից ոչ մեկին սա ձեռնտու չէ: Անկախ ամեն ինչից՝ դա քաղաքական հետևանքներ է ունենալու: Արդեն ունի. տարբեր տեսակի վարկածներ են առաջ քաշվում սոցիալական ցանցերում, լրատվամիջոցներում: Ամեն դեպքում, ճիշտ կլինի սպասել հետաքննության ավարտին: Ինձ համար սա շոկային հարված էր. ես չէի սպասում այսպիսի դեպքի»,- նշեց քաղաքագետը: