Կատեգորիկ դեմ եմ. կասկադյորների միության նախագահը արոտավայրերի մասին
«Փաստորեն վերադառնում ենք անցած դարի սկիզբ, երբ կեղտոտ բոլշևիկների «թեթև» ձեռքով հայկական հողերը տրվեցին մահմեդականներին, հետո կռվով հետ բերեցինք: Պատմությունը կրկնվում է»,- ասուլիսի ժամանակ այսպիսի գնահատական տվեց Սյունիքի մարզի տարածքների մի մասը որպես արոտավայր Իրանին վարձակալության տրամադրելուն Հայաստանի կասկադյորների ազգային ասոցիացիայի նախագահ, ազատամարտիկ Արմեն Պետրոսյանը: Նրա խոսքերով, Արցախյան ազատամարտի ժամանակ մի բան անել ստացվեց, բայց վստահ չէ, որ վաղը նույնը կարող է անել այսօրվա սերունդը:
Ազատամարտիկը համոզված է, որ այդ գործարքից ժողովուրդը ոչ մի օգուտ չի ունենալու, միայն մի քանիսը կօգտվեն «30 արծաթից», բայց պետք չէ ամեն ինչ բիզնեսի վերածել:
«Ինչո՞ւ հնարավորություն չտալ մեր գյուղացուն մշակելու այդ հողերը: Հասկացեք, տղամարդը չի կարողանում նայել կնոջ աչքերի մեջ, երբ գործազուրկ է,- նշեց Արմեն Պետրոսյանը և ավելացրեց,- թող ինձ ազգայնական անվանեն, բայց պետք է ասեմ, որ կատեգորիկ դեմ եմ ցանկացած մահմեդականի անգամ մի քանի օրով Հայաստանում բնակվելուն, որովհետև, ապրելով Հայաստանում, լինելով բնիկ Երևանցի, դուրս եմ գալիս քաղաքի կենտրոն ու չեմ ճանաչում իմ Երևանը»:
Դրանում, ըստ բանախոսի, իրենց մեղքի բաժինն ունեն իրանցիները, ովքեր չեն կարողանում իրենց հաճույքները բավարարել իրենց երկրում, որտեղ դրա համար առնվազն կքարկոծվեին, այդ պատճառով գալիս են Հայաստան` բաց դաշտ, տարածելով այլասերվածություն:
Մեկնաբանություններ (2)
Մեկնաբանել