2014-ին եւս մեկ ավիաընկերություն չվերթներ կիրականացնի դեպի Հայաստան
«Արմենիա Միջազգային Օդանավակայաններ» ընկերությունը, հայկական Վիզա Կոնկորդ տուրիստական գործակալության հետ համատեղ բանակցություններից հետո, պայմանավորվել է Արաբական Միացյալ Էմիրությունների խոշոր ավիաընկերություններից մեկի` «Իթիհադ Ավիաուղիների» հետ, որ վերջինս չվերթներ իրականացնի դեպի Հայաստան:
2014-ի հուլիսից «Իթիհադ Ավիաուղիները» կսկսի իրականացնել Աբու Դաբի – Երևան չվերթները:
«Իթիհադ Ավիաուղիները» հիմնադրվել է 2003թ. հուլիսին, առևտրային գործունեություն է սկսել նույն տարվա նոյեմբերից: Շարժակազմը բաղկացած է 66 օդանավերից, որոնք շաբաթական 1000-ից ավել թռիչք են իրականացնում` սպասարկելով ուղևորային և բեռնային 84 ուղղություններ դեպի Մերձավոր Արևելք, Աֆրիկա, Եվրոպա, Ասիա, Ավստրալիա և Հյուսիսային Ամերիկա:
«Իթիհադ Ավիաուղիներին» է պատկանում նաև Եվրոպայի մեծությամբ 6-րդ փոխադրող Էյր Բեռլինի 30%-ը և Էյր Սեյշելզի 40%-ը:
Տեղեկացնում են «Արմենիա Միջազգային Օդանավակայաններ»-ից:
Մեկնաբանել