Չեն բացառում, որ Ա.Կիվիրյանի վրա հարձակվել են «Ջավախքի խամաճիկ իշխանավորները»
Հայտարարություն
Ապրիլի 30-ին աշխատանքից տուն վերադառնալիս հարձակման է ենթարկվել «Բագին.ինֆո» լրատվական կայքէջի խմբագիր, փաստաբան Արգիշտի Կիվիրյանը: Նա դաժան ծեծի է ենթարկվել եւ ըստ որոշ տվյալների Արգիշտի Կիվիրյանի վրա նաեւ կրակել են (գուցե առավել վախեցնելու նպատակով):
Մենք միշտ գնահատել ենք «Բագին.ինֆո» տեղեկատվական կենտրոնի հայրենասիրական գործունեությունը (հատկապես Ջավախքի հարցում) եւ կարծում ենք այս դաժան հաշվեհարդարը կապված է լրագրողի եւ փաստաբանի մասնագիտական գործունեության հետ:
Հատկապես Ջավախքի ազգադավ իշխանական եւ վրացամանկլավիկ կլանի որոշ ներկայացուցիչներ իրենց իրական պատկերը տեսնում էին «Բագին.ինֆո»-ում: Ուստի՝ մենք չենք բացառում, որ իրենց վրացի տերերի պատվերով Ջավախքի խամաճիկ այդ իշխանավորները լինեն այս հաշվեհարդարի հեղինակը կամ պատվիրատուն:
Մենք մեր աջակցությունն ենք հայտնում Արգիշտի Կիվիրյանին, նրա ընտանիքին եւ հույս ենք հայտնում, որ հայաստանյան իշխանություններն արագ կբացահայտեն հանցագործներին:
Հայ Արիական Միաբանության Գերագույն Խորհուրդ
Հայտարարությանը միացել են՝
«Լուսանցք» հասարակական-քաղաքական շաբաթաթերթը
«Հայարի.օրգ» կայքէջը
Հայ Ազգայնականների Համախմբման բազմաթիվ անդամներ (հասարակական գործիչներ եւ մտավորականներ)
01.05.09թ.
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել