Կարեն Բեքարյան. «Եթե անգամ մազաչափ առաջընթաց արձանագրվի, դա կլինի ավելի իրական քան իմիտացիա»
Այսօր հրավիրված ասուլիսում «Եվրոպական ինտեգրացիա» հ/կ նախագահ Կարեն Բեքարյանը, խոսելով Սանկտ Պետերբուրգում հունիսի 4-ին սպասվող Սերժ Սարգսյան-Իլհամ Ալիև հանդիպման հնարավոր արդյունքների մասին, ասաց.«Մենք ապրում ենք այդ պրոցեսում և փոքր քայլերը կամ արդյունքները, որոնք մենք ընթացքում տեսնում ենք, այնքան դանդաղ են մեր աչքերով, որ հաճախ ունենք այլ ակնկալիքներ, քան իրականում կան»:
Ըստ նրա` Ղարաբաղի կարգավիճակի խնդիրը բանակցությունների անկյունաքարն է. «Ցանկացած բանակցային գործընթացում լինում է առաջընթաց, երբ դիրքորոշումներն առավել քան հստակ արտահայտված են և ոչ միայն արտահայատված են փակ դռների հետևում, այլ ներկայացված են հանրություններին, հետևաբար Սանկտ Պետերբուրգում կլինի ինչ որ ծանրացում կարգավիճակի խնդրի և չհամաձայնեցված հարցերի հետ կապված: Բայց մի բան, որ հանրությունը տեղեկանում է այդ հստակեցման գործընթացից ցույց է տալիս, որ եթե անգամ մազաչափ առաջընթաց արձանագրվի, դա կլինի ավելի իրական քան իմիտացիա»,- ասաց նա:
Սակայն Կարեն Բեքարյանը չգիտի կարձանագրվի՞ առաջընթաց, թե ոչ.«Տպավարություն կա, որ Ադրբեջանը հիմա վիավորված է ողջ աշխարհից` սկսած Թուրքիայից հայ-թուրքական գործընթացի վրա»:
Ըստ նրա` Ադրբեջանում հակված չեն Էրդողանի Բաքվում արված հայտարություններին լիարժեք հավատալ, քանի որ եթե այդպես լիներ, կարիք չէր լինի Թուրքիայի նոր արտգործնախարարին էլ ուղարկել Բաքու՝ նույն հայտարարություններով: Կարեն Բեքարյանի խոսքերով`անգամ արտգործնախարարի 2-րդ այցից հետո էլ ադրբեջանական մամուլում «հիստերիայի» ալիքը չնվազեց:
Կովկասի ինստիտուտի տնօրեն Ալեքսանդր Իսկանդարյանն էլ համոզված է, որ Սանկտ Պետերբուրգում հայտարություն կլինի, որ մեծ քայլ է արվել առաջընթացի առումով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել