HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Եթե Ախալքալաքի ծեր տղամարդիկ չմահանան, բոշա Աղասը կշարունակի գլխարկ կարել (վիդեո)

50 տարի է՝ բոշա Աղասը գլխարկ է կարում Ախալքալաքում: Նրա մոտ դեռ պահպանվում են ստալինյան ոճի գլխարկները, չնայած տեղացիներն արդեն այդ ոճի գլխարկներ չեն դնում: Հարցնում եմ` եթե այլևս չեն դնում, ինչո՞ւ եք շարունակում կարել այս գլխարկները, վարպետ Աղասը պատասխանում է. «Արհեստ է, ուզած-չուզած պետք է անես»:

Ախալքալաքի շուկայում գլխարկների նրա տաղավարն ամենամեծն է, չնայած բացի իր կարածներից, հիմա նորաձև այլ գլխարկներ էլ է վաճառում, որովհետև վերջին տարիներին իր կարած գլխարկները քիչ է վաճառվում:

Մինչև 1980-ականները ուստա Աղասի գլխարկները լավ են վաճառվել: Նույնիսկ գիշերները չի քնել, որպեսզի հասցնի ավարտին հասցնել պատվերները: Իսկ դրանից հետո գնորդները հետզհետե մահացել են, նոր սերունդն էլ գլխարկ չի դնում: «Բախտ չունենք, մեռան գնացին,-կատակում է Աղաս պապը,- ինչքան շատ ապրեին, իմ օգուտն էր, վաճառում էինք, գոյություններս պաշտպանում էինք»:

Ուստա Աղասը իր արհեստը հորից չի ժառանգել: Հայրը «կաշկաճի» (սայլապան) է եղել, Հայրենական պատերազմի ժամանակ կորել է: 15 տարեկանից Աղաս Բալոյանը ուստա Վարդանի մոտ է սովորել, հետո` ուստա Գրիգորի մոտ: Բոլոր ոճի գլխարկներից Աղաս պապը գլուխ հանում է` ստալինյան, բելգիական, վրացական խինկալի և այլն: Չի կարում այն գլխարկները, որոնց հումքը դժվար է գտնել: Օրինակ` չի կարում ծղոտե գլխարկներ:

Բոշաները Ախալքալաքում արհեստավորի մեծ համբավ ունեն: 69-ամյա Աղասի Բալոյանն էլ գլխարկ կարող վերջին բոշա արհեստավորն է Ախալքալաքում: 

շարունակելի

Մեկնաբանություններ (1)

Умар
Как купить Сталинку?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter