Տեսանյութեր
Լուսանկարներ
Ձիերը քաղաքում
Օտարերկրացիներին առաջին հայացքից Ալավերդին կարող է մի մեծ գյուղ թվալ: Զբոսաշրջիկների հոսքը վաղուց արդեն սկսվել է, եւ նրանք Սանահինի վանք գնալու ճանապարհին կարող են տեսնել զանազան կենդանիների:
Քաղաքի Սանահին-Սարահարթ թաղամասում կովերն ու ձիերն անհոգ զբոսնում են մարդկանց հետ: Թափառող անասունները ոչ միայն կեղտոտում են քաղաքն, այլեւ վնաս պատճառում այգիներին ու ծառերին:
Թաղամասի բնակիչ 73-ամյա Ռազմիկ պապը նեղսրտում է. «Ի՞նչ գործ ունեն անասունները մարդկանց մեջ: Անասունը սարում են պահում, եւ ոչ թե քաղաքում: Սա գյուղա՞, թե՞ քաղաք»:
Ալավերդու քաղաքապետ Արթուր Նալբանդյանն ասաց, որ 15 օր առաջ ԲՇՏ-ներին հանձնարարել է տուգանել թափառող անասունների տերերին:
Ռազմիկ պապը կարծում է, որ պատժի հին մեթոդներն ավելի ազդեցիկ էին: Իսկ թե ինչպես էին կոմունիստների ժամանակ դաս տալիս թափառող անասունների տերերին՝ նա լավ է հիշում.
«Տնային կառավարիչը գռուզավիկը բերում էր, անասուններին բարձում-տանում ուղիղ Կիրովական՝ մյասըկոմբինատ: Հաջորդ օրը քաղաքում ինչ կով, ինչ ձի»:
Արմանուշ Նիյազյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել