HY RU EN
Տեսանյութեր Լուսանկարներ Փոդքասթ
հետք հետաքննող լրագրողներ
HY RU EN
Asset 3

Բեռնվում է ...

 Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Պահանջում են հրապարակայնորեն կարգի հրավիրել Դեմոյանին

Բաց նամակ ՀՀ նախագահ Սերժ Սարգսյանին

Պատճեն՝
ՀՀ Ազգային ժողովի նախագահ Հ. Աբրահամյանին
ՀՀ Գիտությունների ազգային ակադեմիայի նախագահ Ռ. Մարտիրոսյանին
ՀՀ Պետական համալսարանի ռեկտոր Ա. Սիմոնյանին
ՀՀ սփյուռքի նախարար Հ. Հակոբյանին
ՀՀ առողջապահության նախարար Հ. Քուշկյանին
ՀՀ գլխավոր դատախազ Ա. Հովսեփյանին

2011 թ. մարտի 30-ին ՀՀ ԳԱԱ Հայոց ցեղասպանության թանգարան-ինստիտուտի (ՀՑԹԻ) տնօրեն Հայկ Դեմոյանը, գտնվելով ԱՄՆ-ում, հարցազրույց տվեց «Վերադարձ» (Return to Armenia) հեռուստահաղորդման հեղինակ Հարութ Բռոնոզյանին։ Հազարավոր կալիֆոռնիաբնակ հայեր ապշահար ունկնդրեցին, թե ինչպես Հ. Դեմոյանը հաղորդման ուղիղ եթերն օգտագործեց՝ ցեխ շպրտելու համար բարի համբավ վայելող բազմաթիվ մարդկանց վրա։

Նախ, Դեմոյանը մերկապարանոց մեղադրանքների մի անհեթեթ շարան ներկայացրեց Հայաստանում ու Սփյուռքում հարգանք վայելող ճանաչված գիտնական, «Արարատ» ռազմավարագիտական կենտրոնի հիմնադիր տնօրեն, քաղաքագիտության դոկտոր Արմեն Այվազյանին՝ նրան անվանարկելով, ոչ ավել, ոչ պակաս, «խառնակիչ», «սնափառության մոլուցքով տառապող մարդ», «ոհմակի ղեկավար», «պետական հանցագործ»։ Դեմոյանի մատուցմամբ՝ Արմեն Այվազյանը «ստեղծել է մի գիշատիչ խումբ, որը նպատակ ունի հայության շրջանում տարբեր բաժանարար գծեր անցկացնել»։

ՀՑԹԻ-ի տնօրենի այս անհիմն և անզուսպ պոռթկումները պարզապես քստմնելի են։ Նույնչափ դատապարտելի են նրա վիրավորանքներն՝ ուղղված Ա. Այվազյանի բազմաթիվ հայրենաբնակ ու սփյուռքահայ գործընկերներին։ Մեզ՝ Այվազյանի երկարամյա գործընկերներին ու բարեկամներին, Դեմոյանը համարձակվեց, իր իսկ բառերով, «դիագնոզ» դնել` անվանելով «հոգեկան հիվանդներ», «գիշատիչ խումբ», «ոհմակ» և այլն։ Վստահեցնում ենք, որ եթե նա փոքր-ինչ ավելի երկար գտնվեր ԱՄՆ-ում, ապա դատական կարգով պատասխանատվություն տալուց չէր խուսափի։

Դեմոյանը երկիցս Այվազյանին մեղադրեց «պետական հանցագործություն» կատարելու՝ «և Ծիծեռնակաբերդը, և Հայաստանի Հանրապետությունը խայտառակելու» մեջ` միակ փաստարկ բերելով այն, թե իբր Ա. Այվազյանը, թուրքական մամուլի վրա հիմնվելով, առաջինն է հայտարարել, որ 2008 թ. սեպտեմբերի 6-ին` Թուրքիայի նախագահի Երևանում գտնվելու օրը՝ Հայաստան-Թուրքիա ֆուտբոլային հանդիպման ժամանակ, Ծիծեռնակաբերդի Հայոց եղեռնի հուշարձանի լույսերը մարվել են։

Սակայն, որքան էլ Դեմոյանը զբաղվի թուրքավայել ժխտողականությամբ, իրականությունն այն է, որ այդ օրը Ծիծեռնակաբերդի հուշահամալիրի լույսերն իսկապես հանգած են եղել, ինչն էլ նկարահանել, արձանագրել ու վավերագրական ճշգրտությամբ հիմնավորել են «Երկիր մեդիա» հեռուստաընկերության թղթակիցներն իրենց «Եթե «հյուրընկալություն», ապա լիարժեք…» տեսահաղորդման մեջ (29.09.2011), որը զետեղված է նաև «Յութուբ» կայքի հետևյալ էջերում՝


Ահա ընդամենը մի քանի մեջբերում այդ հաղորդումից.

«…Խաղի ընթացքում, Ծիծեռնակաբերդի բարձունքում անցկացվող բողոքի ակցիան լուսաբանելու նպատակով, մեր նկարահանող խումբը շուրջ երկու ժամ ստիպված էր աշխատել կիսախավարում: Առաջինը, որ ուշադրություն էր գրավում, այն էր, որ այգու մնացած հատվածներն ավելի լավ էին լուսավորված, քան հուշարձանը: Ու եթե չլինեին հավաքվածների ձեռքի ջահերն ու մարզադաշտի մեծ լուսարձակներից Ծիծեռնակաբերդ հասնող լույսը, խավարն իրոք անանցանելի կլիներ:

…Ինչպես ասում են, մեր աչքերով տեսածին հավատալու համար ևս մեկ անգամ` երեկոյան նույն ժամին, այցելեցինք Ծիծեռնակաբերդ և համոզվեցինք, որ սեպտեմբերի 6-ի երեկոյան Եղեռնի հուշահամալիրի լուսավորությունը տարբերվում էր մնացած օրերից: Երկու տեսանյութերի համեմատությունը վկայում է, որ այդ օրն այգում վառվել են միայն լապտերները, իսկ հուշարձանը լուսավորելու համար այստեղ տեղադրված հզոր լուսարձակները չեն աշխատել:

…Այսպիսով, ձեռնպահ մնալով գնահատականներից` պարզապես կատարվածն ընկալենք ֆուտբոլային հանդիպմանն ընդառաջ ՀՖՖ տարբերանշանի փոփոխության համատեքստում` իբրև հյուրընկալության հերթական դրսևորում»:

Նույն այս հաղորդման ընթացքում «Երկիր մեդիան» ամենայն պատասխանատվությամբ հայտարարել է, որ պատրաստ է դատական կարգով պաշտպանելու իր նկարահանման ու եզրակացությունների ճշմարտացիությունը` կրկնելով իր այդ վճռականությունը ևս մեկ անգամ՝ հոկտեմբերի 9-ին՝ ««Ստվերում մնացած» ճշմարտությունը շուտով կլուսավորվի» հաղորդման ժամանակ։

Այսպիսով, գործ ունենք կատարված ցավալի իրողության հետ. 2008 թ. սեպտեմբերի 6-ին Ծիծեռնակաբերդի հուշահամալիրի տարածքը զրկված է եղել սովորական լուսավորությունից։ Սակայն այդ դեպքում հարց է առաջանում. ինչո՞ւ է Դեմոյանը մոռացության մատնում «Երկիր մեդիա» հեռուստաընկերության նկարահանած վավերագրական կադրերն ու հաղորդումները, նրանց դատի տալու իր սպառնալիքները, այդ փաստի մասին հայկական մամուլում եղած բազմաթիվ այլ հրապարակումները։ Ինչո՞ւ նա «պետական հանցագործություն» չի որակում այդ փաստագրական նյութերի հրապարակումը, այլ փոխարենը զրպարտություններ ու վիրավորանքներ շռայլում միայն Ա. Այվազյանի հասցեին։

Որևէ տրամաբանության մեջ չտեղավորվող այս վարքագիծը կարող է ունենալ միայն մեկ բացատրություն. Դեմոյանին ինչ-որ ուժեր պատվիրել են վարկաբեկել Այվազյանի կերպարն ու Սփյուռքում վայելած հեղինակությունը, և նա փութաջանորեն կատարում է նրանց առաջադրանքը։

Ստանձնելով միաժամանակ պատմաբանի, քաղաքագետի, էթնոհոգեբանի, ռազմավարագետի, հոգեբույժի, դատախազի ու դատարանի դեր` Դեմոյանը ոչ միայն ի ցույց է դնում իր իրավական գրագիտության տարրական բացակայությունը, այլև իսկական գիտության հետ որևէ կապ չունենալը։ Նա նաև պատկերացում իսկ չունի, թե ռազմավարական նշանակության պետական հիմնարկի՝ ՀՑԹԻ-ի ղեկավարի պաշտոնը ինչպիսի պատասխանատվությամբ է իրեն օժտել։

Իրականությանը չի համապատասխանում ոչ Դեմոյանի այն պնդումը, թե Այվազյանն առանձին հոդված է գրել լույսերը մարելու փաստի մասին, ոչ էլ այն, թե նա քաղել է այդ տեղեկությունը թուրքական մամուլից։ Դեմոյանի բերած բոլոր պնդումներն ու փաստարկները բացահայտ կեղծիք են, այսինքն՝ գործ ունենք ստախոսության հետ։

Սակայն, պարզվում է, որ, բացի դրանից, նա նաև խնդիրներ ունի պրոֆեսիոնալ գիտական էթիկայի պահպանման ու պարկեշտության առումով։ Դրանում կարելի է համոզվել` կարդալով պատմական գիտությունների թեկնածու Գևորգ Յազըճյանի՝ «Գիտական բարոյականության ու գիտության մեջ պատեհապաշտության մասին (Հ. Դեմոյանի «Ղարաբաղը և Թուրքիայի ցեղասպանական փորձերը» հոդվածի առթիվ)» գրախոսությունը (Հետք.ամ, 26 մարտի 2011, «Ազգ», 9 ապրիլի 2011 թ., «Նոյյան տապան», 13 ապրիլի 2011)։

Նման բարոյական «պաշարով» կերպարի հայտնվելը գիտական ու պետական պատասխանատու դիրքում ինքնին վկայում է Հայրենիքում տիրող ծայրաստիճան անառողջ հասարակական միջավայրի մասին։ Դեմոյանին, ըստ երևույթին, թվում է, թե մոռացվել են նրա հակահայկական ելույթները, օրինակ, այն՝

- թե ինչպես, «Երկիր մեդիայի» թղթակիցների հավաստմամբ, «Դեմոյանը Գյուլի այցի օրը, հակառակ բոլոր արգելքներին, Ծիծեռնակաբերդի հուշահամալիրում վառված և «Հրազդան» մարզադաշտում երևացող ջահեր վառելու ակցիան բնութագրել էր իբրև վանդալիզմ» (««Ստվերում մնացած» ճշմարտությունը շուտով կլուսավորվի», «Երկիր մեդիա», 9.10.2008),

- թե ինչպես էր նա պաշտպանում թուրքական վաղեմի ծրագրի՝ հայ և թուրք պատմաբաններից բաղկացած հանձնաժողով ստեղծելու ծրագիրը,

- հնարավոր համարում Հայաստանի և Թուրքիայի` դաշնակից պետություններ դառնալը (www.regnum.ru/news/896314.html),

- կոչ անում «չքաղաքականացնել ցեղասպանության ճանաչումը» (http://www.arka.am/rus/politics/2008/09/13/11159.html),

- հայտարարում. «Որպես Հայոց ցեղասպանության թանգարան-ինստիտուտի տնօրեն և այդ ոլորտի փորձագետ` ես «ցեղասպանություն» բառի օգտագործման մեջ լուրջ վտանգ եմ տեսնում, քանի որ դա ձեռնածությունների առիթ է տալիս» (http://www.panarmenian.net/arm/politics/news/31015/),

- «Էկոնոմիստ» հանդեսին հայտնում, թե իբր Մուստաֆա Քեմալ Աթաթուրքը «Առաջին համաշխարհային պատերազմի ժամանակ և նրանից հետո օսմանյան ուժերի զանգվածային կոտորածից փրկել է հարյուրավոր հայ կանանց և երեխաների» ("Kemal Ataturk, father of modern Turkey, rescued hundreds of Armenian women and children from mass slaughter by Ottoman forces during and after the first world war") (http://www.economist.com/node/12304946?story_id=E1_TNPDQJQG&CFID=161744713&CFTOKEN=30139637)։ Եվ ոչ մի խոսք չասաց այն մասին, որ Մուստաֆա Քեմալն իրականում հայ ժողովրդի գլխավոր դահիճներից էր, ում հրամանով Արևելյան Հայաստանում միայն ոչնչացվել են 200.000, Զմյուռնիայում՝ տասնյակ հազարավոր հայեր, չեղյալ է հայտարարվել Սևրի դաշնագիրը, ամրապնդվել են ցեղասպանության հետևանքները։

Դեմոյանի այս հայտարարություններն այլ կերպ չես անվանի, քան իսկական պետական և ազգային դավաճանություն։ Իսկ այսօր Դեմոյանը սկսել է հակաթուրքական ճառեր կարդալը…

Սակայն մեզ ամենից շատ անհանգստացնում է մեկ այլ երևույթ` այն, որ ՀՀ պետական պաշտոնյան, այն էլ Սփյուռքում, ընդգծված ինքնավստահությամբ երկու անգամ «պետական հանցագործ» հռչակեց վաստակ ունեցող հայաստանաբնակ գիտնականին և հասարակական գործչին՝ Արմեն Այվազյանին։ Սա ի՞նչ է՝ միայն Հ. Դեմոյանի հոգեկան անհավասարակշռության սանձարձակ դրսևորո՞ւմ, թե՞ նաև ՀՀ պետական որոշ շրջանակներում ծրագրված քաղաքական հալածանքների ծավալում Ա. Այվազյանի դեմ։

Այս հարցի պատասխանն ակնկալում ենք ստանալ Ձեզանից՝ Հ. Դեմոյանին հրապարակայնորեն կարգի հրավիրելու միջոցով։ Եթե Դեմոյանն աշխարհով մեկ զրպարտություն տարածելու ու մանկամտորեն դատախազական կեցվածք ընդունելու դիմաց չստանա պատշաճ գնահատական իր վերադաս պետական ու գիտական կառույցներից, ապա ստիպված կլինենք եզրակացնել, որ Հայաստանի Հանրապետության իշխանություններն այլևս ունակ չեն հանդուրժելու նույնիսկ ակադեմիական մտքի ազատությունը և որդեգրել են Ա. Այվազյանի դեմ քաղաքական հետապնդումների գործելաոճ` ընկալելով նրա բազմաթիվ պատճառաբանված քննադատական ուսումնասիրություններն ու ելույթները (մասնավորապես, հայ-թուրքական «հաշտեցման» ձախողված քաղաքականության վերաբերյալ) որպես «պետական հանցագործություն»։ Իսկ նոր 1937 թ., այն էլ գիտության բնագավառում, մենք երբեք չենք հանդուրժի։

Միհրան Կեհեյան, Լոնդոն
Ռիփսիկ Քիրամիջյան, Լոս Անջելես
Լաուրա Մելիքյան, բժշկական գիտությունների թեկնածու, Լոս Անջելես
Հարո Մհերյան, ֆիզմաթ գիտությունների դոկտոր, Լոս Անջելես
Համլետ Ներսեսյան, Լոս Անջելես
Բագրատ Նազարյան, Լոնդոն
Ստեփան Սարգսյան, Լոս Անջելես
Առլետ Վերդի, Լոս Անջելես

Հ.Գ. Սույն նամակը պատրաստ էր առաքման, երբ «Նոյյան տապան» լրատվական գործակալաթյան կայքում լույս տեսավ Հ. Դեմոյանի՝ Գևորգ Յազըճյանի գրախոսությանն ի պատասխան գրած «Գիտության սանիտարները կամ անբուժելի մեծամտության վնասները» զազրախոսությունը։ Այս գրության մեջ Դեմոյանը, փոխանակ գիտական բանավեճի էթիկան պահպանելով, պատասխանի իր ընդդիմախոսին՝ Գ. Յազըճյանին, վերջինիս հասցեին անպարկեշտ վիրավորանքների հեղեղ է տեղում ու կրկին դատախազական վեղար հագած, առանց որևէ հիմքի ու պատճառի, դարձյալ իրեն թույլ է տալիս շուռ գալ Ա. Այվազյանի դեմ, մեղադրելով նրան, ոչ ավել, ոչ պակաս, «դավաճանական արարքի» մեջ...

#Գեւորգ Յազըճյան

Մեկնաբանություններ (35)

Ստեփան Սարգսյան
«․․․ավելի շուտ կարող է բնութագրվել, խիստ արդիական լեզվով ասած, որպես Ծիծեռնակաբերդի տարածքում գտնվող թանգարանի «նայող» կամ «աշխատացնող»» http://aravot.am/am/articles/education/91408/view
Ստեփան Սարգսյան
Փորձէք որեւէ տեղ, այս կամ այն առթիւ բանախօսել ամենաակադեմիական նիւթի մասին, այդ հայանուն վատերը, անսպասելիօրէն կը նետւեն առաջ, հիստերիկ ճիչեր կ՛արձակեն, ռեկլամային աղմուկ կը հանեն, խուճապ կը ստեղծեն, որ ժամեր անց սկսեն իրենց թղթէ յարձակողականը - թզուկների արշաւանքը հսկաների դէմ - որ հայհոյեն, հայհոյեն մէ՛կ էլ, մինչեւ եօթներորդ քրտինքը, մինչեւ որ ուժասպառ կը լինեն, մինչեւ որ Երեւանը կը լսի այդ շնորհունակների դոնքիշոտութեան մասին: ՆԺԴԵՀ
Ստեփան Սարգսյան
Հարգելի Հայկ, Դուք ոչ միայն վանդալ եք, այլ հայոց ցեղասպանության Ճանաչման հարցը անհարկի քաղաքականացնող։ Կարդացեք Դեմոյանի դուրս տված բոլոր անհեթեթությունները։ Հավանաբար Հայ Դատը զուտ պատմական, մշակութային պահանջ է։ Դա քաղականության հետ գործ չունի։ Այնպես որ Ձեր ջահերով մի քաղաքականացրեք այն։ Ընդհանարպես, մի՛ անվանեք այն ցեղասպանություն։ Դա վտանգավոր է։ Դրանով ստիպոմ եք, որ խեղճ Օբաման ցեղասպանություն բառը արտասանի։
Ստեփան Սարգսյան
Հարգելի Միսաք, իզուր Ձեր նյարդերը մի վատնեք այս անհեթեթ ճամարտակությունների ու ակնհայտ զրպարտանքների վրա։ Ամեն ինչ պարզից էլ պարզ է։ Յազըճյանի գրաքննադատության մեջ բերված փաստարակներին չունենալով պատասխան՝ Դեմոյանը դիմեց անձնական վիրավորանքների ու ակնհայտ զրպարտախոսության այն մարդականց հասցեին, որոնք այդ գրաքննադատությունը չէին հեղինակել։ Այսքան դեմոյանամետ մեկնաբանությունների մեջ այդպես էլ հիմնավորված ոչ մի փաստարկ չբերվեց։ Ընդհակառակը, հավելյալ զրպարտություններ հնչեցին։ Ի դեպ, հենց ինքը՝ Դեմոյանը, անուղղակիորեն հաստատում է նաև գրագողության փաստը։ Նա նշում է, որ իր դոկտորական ատենախոսության մեջ հղում արել է։ Այսինքն, հենց ըստ Դեմոյանի, այդ թեման արծարծելիս հղումը Այվազյանին անհրաժեշտ է, հակառակ դեպքում չէր անի։ Սակայն, հետագայում ընտրել է հղում չտալ։ Իսկ հղում, եթե ուրիշի մտքերին ես անդրադառնում, պետք է տրվի այնքան գրքերում ու հոդվածներում, որքանում անդրադարձ է կատարվում։ Փաստորեն, Դեմոյանը ընտրում է իր իսկ հեղինակած գրքին հղում տալ նույն այդ, ինպես ինքն է անվանում, ոչ գիտական հակիրճ հրապարակման մեջ, բայց Այվազյանի հեղինակած մտքերին հղում տալու համար այդ«էլեկտրոնային թռուցիկը» շատ է փոքրանում, տեղ չի մնում և աննպատակահարմար է դառնում։ Ինչպես ասում են, մեկնաբանությունների կարիք չկա։ Դե Դեմոյանի բազմապիսի թուրքավայել արտահայտություններն էլ նրա համակիրները չեն ուզում հիշատակել։
Misaq
Տարիել՜, ինչպիսի փայլուն նախանձ, ինչպիսի մաղձ։Ապրես , այնքան բան ասացիր քո մասին այս մի քանի տողով։Մի թե կարելի է այդքան ողորմելի լինել, կամ միթե իրոք չգիտես ով է Գ.Յազիճյանը, որ հապճեպ պատվեր ես կատարում՝ շտապ 33 արծաթ ստանալու ակնկալիքով։ Մարդ արարած, հարցրու բանիմաց մարդկանց Յազիճյանի թողած ժառանգության մասին, անժխտելի, գիտական -մտավորական աշխարհին հայտնի և ոչ միայն ՀՀ-ում։Միթե ընդհանրապես կրթություն չունես, բանից անտեղյակ միայն փրփրում ես...այսքան էլ տգետ։Դեմոյանին հարցրու, նա շատ լավ էլ գիտի ով է Գևորգը, Դեմոյանը քո իմացած անգրագետը չի և կարիք չունի քո տեսակի պաշտպանությանը այն էլ իրեն պատիվ չբերող անգիտակի։Մեջ եք ընկել և հաճույք եք ստանում գրագետ մարդկանց բանավեճից։Դեմոյանի օգտին որևէ լուրջ մեկնաբանություն չեղավ, կողքին արդյոք չկան բանիմաց մարդիկ և հույսը ձեր նմանների մեջ է, աշխարհին բանսարկությունից բացի ոչինչ չտված մարդկանց։Ձեզ ով է իրավունք տվել գիտական բանավեճը վերածել փողոցային մաղձ թափելու, այդքան էլ ողորմելի։Խեղճ Հայկ Դեմոյան, դժվար թե նրան դուր գա այս մակարդակը, չնայած պարզվում է իր ոճն էլ է, ինքն այդ տոնը տվել։ Ափսոս իրեն, չկողմնորոշվեց ժամանակին և ձնագունդը մեծացրեց
Hayk
Համ էլ պիտի հարցնենք մի կարևոր բան, որ մերոնց ստեղ շատ ա զայրացրել։ Բաց նամակում գրած ա, որ Դեմոյանը «...Ծիծեռնակաբերդի հուշահամալիրում վառված և «Հրազդան» մարզադաշտում երևացող ջահեր վառելու ակցիան բնութագրել էր իբրև վանդալիզմ» («Ստվերում մնացած» ճշմարտությունը շուտով կլուսավորվի», «Երկիր մեդիա», 9.10.2008)։ Հիմա մենք վանդալ ենք հա՞, այ Դեմոյան, որ ամեն տարի ջահերով երթ ենք անում։ Արա, էդ թուրքերը վանդալ չե՞ն, որ մեզ կոտորել են, էդ երբվանի՞ց մենք վանդալ դառանք, այ Դեմոյան, այ ցեղասպանության թանգարան-ինստիտուտի դիրեկտոր։
Ստեփան Սարգսյան
Հարգելի Ռուզաննա, իզուր մի սպասեք։ Դա շատ անհավանական բան է։ Լուրջ գիտնականը անցավ գլուխը գրագող զրպարտախոսի համար ցավի տակ չի դնի։ Դրա համար էլ չեք տեսնում նման գիտնականի։ Այս բանավեճը միայն հաստատեց այն, որ իրոք ոչ մի էական և բովանդակալից հակափաստարկ Դեմոյանին ներկայացված մեղադրանքներին չկա։ Բերվեց միայն հավելյալ զրպարտանքներ, այս անգամ Դեմոյանամետ մեկնաբանների կողմից, ինչը ուղղակի զավեշտալի է, ու հիմնական թեմայի հետ կապ չունեցող վիրավորանքներ, ինչը նույնպես զավեշտալի է, որովհետև փորձում են զրպարտանքի ու վիրավորանքի մեղադրանքին հակազդել հավելյալ զրպարտանքով ու վիրավորանքով։ Մնացածը թողենք անաչառ և ճշմարտությունը փնտրող ընթերցողին, որի համար բավականից էլ շատ փաստեր են ներկայացվել։ Իսկ մածունը սև տեսնել ցանկացողին, որը զրպարտանքը համարում է փաստարկին համարժեք հակափաստարկ, ոչնչով չես համոզի։
Ruzanna
Տարիել, դուք իջնում եք Դեմոյանի մակարդակին։ Մինչ այս վերջին ձեր գրառումը՝ նախորդները մի փոքր ավելի զուսպ էին։ Հետևեք ձեր խոսքին։
Տարիել
Սիրելի Ռուզաննա Հետևելով ձեր տրամաբանությանը, կարելի է ենթադրել, որ ա. եթե Դեմոյանի օգտին հանդես գան ասենք հարյուր գիտության դոկտորներ ու թեկնածուներ, ապա բոլորն ինքնաբերաբար կլինեն գրագողեր, կեղծ հայագետներ ու ծախուներ, բ. Դեռ համառորեն լռում է պարոն Ա. Այվազյանն իր աշխատանքից իբր կատարված գրագողության մասին: Իսկ քանի դեռ նա չի հաստատել Յազջյանի գրածի ճշմարտացիությունը և այդ մասին չի հայտնի ասենք դատական հայցադիմումի մեջ կամ դատական նիստի ժամանակ, Յազջյանի պնդումները լոկ պնդումներ են, եթե չասեմ խեղկատակություն: գ. Իսկ ինչով է հայտնի գիտական աշխարհին Գ. Յազջյանը: Գրեթե ոչնչով, ախ չէ, համարյա մոռացել էի... նա հեթանոսների հետ ձեռք ձեռքի տված զբաղված է Հայաստանում հրեական վտանգը չեզոքացնելու ազգափրկիչ գործով և հակահրեական գրականություն թարգմանելով ու տարածելով: Գևորգը տակավին մնում է Բուրջհամուդի ճենճոտ խորտկարանների մակարդակին և ասեմ ձեզ, որ գիտությունը անհանդուրժողականություն քարոզելու հետ համատեղող որևէ մեկը լուրջ գիտական շրջաններում միայն նողկանք է առաջացնում: դ. Գևորգի տղամարդկային կեցվածքի առումով լավ օրինակ է բերում հենց ինքը, Հայկ Դեմոյանը, որի գրած պատասխանն իսկապես փայլուն է ու ոչնչացնող, թեկուզև մի փոքր կոպիտ:
Ruzanna
Ես դեռ սպասում եմ, որ գոնե մեկը՝ գիտական կոչումով անձ հայտարարի, որ պաշտպանում է Դեմոյանին։ Ես համոզված եմ, որ նման անձ չկա։ Եթե որևէ մեկը պաշտպանի Դեմոյանին, ապա ինքնաբերաբար կհայտնվի թակարդի մեջ, քանի որ Դեմոյանը պարզ գրագող է։ Ցանկացած գիտնականի համար դա մահ է, եթե իրեն գրագողության մեջ մեղադրում են՝ կոնկրետ փաստերով։ Գրագողությունը գիտության մեջ՝ դա նույն գողությունն է սովորական կյանքում։ Հարգելի Ստեփանն էլ լավ հիշեցրեց այդ գերմանացու օրինակը՝ baron copy-paste-ի։ Բայց պետք է հիանալ գերմանական գիտական հանրույթի քաջությամբ և հետևողականությամբ, որը հասավ իր նպատակին ու դրանով իսկ լուրջ քայլ կատարեց գիտական դաշտը պատահական մարդկանցից ազատելու ուղղությամբ։ Հիմա հերթը մերն է։ Ու՞ր են մեր գիտնականները՝ ծվարած ամբիոններում և ինստիտուտներում, ինչու՞ ձայն չեն հանում։ Չէ՞ որ սա Յազըճյանի, Այվազյանի, կամ Դեմոյանի հարցը չէ միայն։ Այստեղ որոշվելու է Հայաստանում գիտության լինել-չլինելու հարցը։
Ստեփան Սարգսյան
Հարգելի Տարիել, արդյոք դրանից փոխվու՞մ է Դեմոյանի զրպարտախոսության, ստախոսության և գրագողության փաստերը։ Ձեր բանավեճի ոճը փաստում է այն, որ Դուք այլևս ասելու էական ոչինչ չունեք։ Անցել եք հիմա էլ Ռուզաննայի մեկնաբանության ոճն եք քննադատում։ Դեմոյանի զրպարտախոսության առկայության դեպքում ամենակարևորը Ռուզաննայի ոճաբանական նախընտրա՞նքն է։ Հակափաստարկ չունեք, փորձում եք անհատին վիրավորելով շեղել ընթերցողի ուշադրությունը իրական փաստերից։
Ruzanna
Եթե Հայաստանում կգտնեք գոնե մեկ դասախոս, գիտնական, որն այսօր կպաշտպանի Դեմոյանին՝ ես պատրաստ եմ 3 մլն. դրամ տուգանքից, որ Դեմոյանը պիտի մուծվի Այվազյանին, իմ համեստ աշխատավարձից 10.000 դրամ փոխանցել Դեմոյանի հաշվեհամարին։ Բայց Հայաստանում չկա այդպիսի մեկը, ով կարող է բացահայտ պաշտպանել գրագողությունը, անգրագիտությունը, թուրքամետ հայտարարությունները և այլն։ Եթե կա, թող կեղծանունով հանդես չգա, այլ հայտարարի՝ ես (անուն, ազգանուն), այսինչ գիտությունների թեկնածու կամ դոկտոր, այսինչ կրթական հաստատության դասախոս և այլն...։ Թող սփյուռքում այնպիսի տպավորություն չստեղծվի, թե այստեղ բոլորը փչացել են, դեռ առողջ ուժեր կան։ Պայքարելու ենք։
Ստեփան Սարգսյան
Հետաքրքիր համեմատություններ։ 1) «Թող ստեղծվի հանձնաժողով, դրանից վախենալու բան ունի միայն Թուրքիան:» (2009) (http://95.140.203.42/am/politics/2009/04/30/demoyan/) 2) Գյուլը թերևս շփոթում է ու լավ չի ընթերցել արձանագրությունը, ուր խոսք է գնում ոչ թե պատմաբանների հանձնաժողովի, այլ միջպետական հանձնաժողովի` ենթահանձնաժողովի ստեղծման մասին: (2009) (http://www.armar.am/?p=6892) 3) And in those protocols, there was an agreement between the two countries to establish a historical commission that would look at all of the issues that are part of the past.” (2010) (http://asbarez.com/78562/armenia-denies-clinton-remarks-on-%E2%80%98history-commission%E2%80%99-creation/) Ցեղասպանությունը ճանաչելու հարցին ի պատասխան, Քլինթոնն ասում է, որ պատմաբանների հանձնաժողով է նախատեսված առձանագրություններով, որոնք ուսումնասիրելու են անցյալի բոլոր հարցերը։ Փաստորեն համ թուրքերը, համ էլ ամերիկացիները սխա՞լ էին հասկացել հանձնաժողովի մասին կետը։ Միայն մե՞նք էինք ճիշտ հասկացել։ Ստորագրում ենք մի բան, որի շուրջ դեռ համաձայնության չենք եկել, և ցեղասպանության ինստիտուտի տնօրենն էլ ոչ մի խնդիր չի տեսնում ու համոզում է հայությանը, որ դա ընդունեն, իբր դա վատ բան չէ։ Բա որ դժբախտաբար դա վավերացվեր և ընդունվեր և Դեմոյանն էլ այդ կետը «նոր փաստաթղթից» հանելու հնարավորություն չունենար։ («Դեմոյանի կարծիքով նոր փաստաթղթի ի հայտ գալու դեպքում պետք է միջկառավարական հանձնաժողովի պատմաբանների ենթահանձնաժողով ստեղծելու հատվածը կամ հանվի կամ էլ աննշան հղման ձեւով լինի, քանի որ թուրքական կողմն այն ներկայացնում է իր ցանկալի ձեւաչափով եւ ձեւակերպմամբ, այն է՝ որպես պատմաբանների հանձնաժողով:»(2010) (http://news.am/arm/news/43150.html)
Ստեփան Սարգսյան
Հետաքրքիր համեմատություններ։ 1) «Թող ստեղծվի հանձնաժողով, դրանից վախենալու բան ունի միայն Թուրքիան:» (2009) (http://95.140.203.42/am/politics/2009/04/30/demoyan/) 2) «Դեմոյանի կարծիքով նոր փաստաթղթի ի հայտ գալու դեպքում պետք է միջկառավարական հանձնաժողովի պատմաբանների ենթահանձնաժողով ստեղծելու հատվածը կամ հանվի կամ էլ աննշան հղման ձեւով լինի, քանի որ թուրքական կողմն այն ներկայացնում է իր ցանկալի ձեւաչափով եւ ձեւակերպմամբ, այն է՝ որպես պատմաբանների հանձնաժողով:»(2010) (http://news.am/arm/news/43150.html) ՓաստորեՆ հանձնաժողովի կետը այն տեսքով, որ գրված եր արձանագրություններում մեզ համար վատ էր։ Էլ ինչու՞ պիտի հանել, բա։
Ստեփան Սարգսյան
Հետաքրքիր համեմատություններ։ 1) Ցեղասպանության թանգարան–ինստիտուտի տնօրեն. «Թուրքիային կստիպեն, որ վավերացնի ․․․ գերտերությունները Թուրքիային կստիպեն Հայաստանի հետ հարաբերություններ հաստատել․․․» (2009) (http://7or.am/archives/20584) 2) «Ցեղասպանության թանգարան-ինստիտուտի տնօրենը տեսակետ հայտնեց, որ «Թուրքիան ունի բոլոր հնարավորությունները, որպեսզի չենթարկվի դրանց և ընդդիմանա բոլոր տեսակ պարտադրանքներին»» (2010)(http://www.prizma.am/main/lang_1/news_1966.html) Հիմա այս մարդը ամենևին իրականությանը չի՞ տիրապետում ու իրար հակասող մտքեր է արտահայտում, թե իրականությանը տիրապետում է և, կախված իրավիճակից, միտումնավոր ապակողմնորոշող քարոզչություն է անում։
Ստեփան Սարգսյան
Հետաքրքիր համեմատություններ։ 1) [Demoyan] ... is convinced that the opening of the Armenian-Turkish border will not make the relations of the two countries friendly, especially if Turkey is forced by other countries to take the step. (2006) «եթե մյուս երկները ստիպեն, որ Թուրքիան բացի սահմանը Հայաստանի հետ, հարաբերություններկ չեն բարելավվի» (http://www.a1plus.am/en/print/politics/2006/01/27/4444) 2) Ցեղասպանության թանգարան–ինստիտուտի տնօրեն. «Թուրքիային կստիպեն, որ վավերացնի» (2009) (http://7or.am/archives/20584) Բա եթե ստիպողաբար բացելը մեզ օգուտ չի բերելու, մեր հարաբերությունները չեն բարելավվելու, ինչու՞ գովերգել արձանագրությունները և ուրախանալ դրանց ստիպողական վավերացումից։
Stepan Sargsyan
Dear Kamavor, here is a comment I have written above to someone else regarding the very same confusion that has baffled you. I can almost repeat it word to word: Հարգելի Անի, Ձեզ հետ բանավիճելը բավականին բարդ գործ է, որովհետև վերլուծության կարողությունը մի կողմ եք դնում, և պնդում եք, որ մածունը սև է։ Կխնդրեի մի քանի անգամ ևս նայել հաղորդումը։ Այստեղ հաղորդումը փաստում է, որ Դեմոյանը ստել է և շարունակում է ստել՝ պնդելով, որ լուսավորությունը չի պակասեցվել՝ հուշարձանը Հրազդան մարզադաշտից նայելուց մթության մեջ պահելու նպատակով։ Իսկ դուք խոսում եք ինչ որ հղումներից՝ ասելով, թե թուրքական մամուլին հղում է տրվել, մի բան, որ Արմեն Այվազյանն ինքն ասում է․ սրա մասին իմացել է մյուս անհատներից և թուրքական մամուլից։ Իբր դա քիչ էր, Երկիր Մեդիան էլ տեսագրել է այդ ամենը։ Ուրիշ ի՞նչ խնդիր կա հղման հետ կապված։ Դուք ադպես էլ չհասկացա՞ք, թե Դեմոյանի ստախոսությունն ու զրպարտանքը ինչումն է կայանում։ Ոչ թե նրանում, որ Արմեն Այվազյանը թուրքական մամուլից որևէ բան կարդացել է, այլ որ Արմեն Այվազյանին Դեմոյանը զրպարտում է դավաճանության, պետական հանցագործության մեջ՝ թուրքական մամուլից ստահոդ լուր տարածելու շինծու մեղադրանքով։ Կրկնում եմ․ ՍՏԱՀՈԴ։
Stepan Sargsyan
Dear Kamavor, here are some excerpts from Yerkir Media's TV program. I hope this clears your confusion. Ահա ընդամենը մի քանի մեջբերում այդ հաղորդումից. «…Խաղի ընթացքում, Ծիծեռնակաբերդի բարձունքում անցկացվող բողոքի ակցիան լուսաբանելու նպատակով, մեր նկարահանող խումբը շուրջ երկու ժամ ստիպված էր աշխատել կիսախավարում: Առաջինը, որ ուշադրություն էր գրավում այն էր, որ այգու մնացած հատվածներն ավելի լավ էին լուսավորված, քան հուշարձանը: Ու եթե չլինեին հավաքվածների ձեռքի ջահերն ու մարզադաշտի մեծ լուսարձակներից Ծիծեռնակաբերդ հասնող լույսը, խավարն իրոք անանցանելի կլիներ: …Ինչպես ասում են մեր աչքերով տեսածին հավատալու համար, եւս մեկ անգամ, երեկոյան նույն ժամին այցելեցինք Ծիծեռնակաբերդ եւ համոզվեցինք, որ սեպտեմբերի 6-ի երեկոյան Եղեռնի հուշահամալիրի լուսավորությունը տարբերվում էր մնացած օրերից: Երկու տեսանյութերի համեմատությունը վկայում է, որ այդ օրն այգում վառվել են միայն լապտերները, իսկ հուշարձանը լուսավորելու համար այստեղ տեղադրված հզոր լուսարձակները չեն աշխատել: …Այսպիսով, ձեռնպահ մնալով գնահատականներից, պարզապես կատարվածն ընկալենք ֆուտբոլային հանդիպմանն ընդառաջ ՀՖՖ տարբերանշանի փոփոխության համատեքստում` իբրեւ հյուրընկալության հերթական դրսեւորում»: Նույն այս հաղորդման ընթացքում «Երկիր-Մեդիան» ամենայն պատասխանատվությամբ հայտարարել է, որ պատրաստ է դատական կարգով պաշտպանելու իր նկարահանման ու եզրակացությունների ճշմարտացիությունը, կրկնելով իր այդ վճռականությունը ևս մեկ անգամ՝ հոկտեմբերի 9-ին՝ ««Ստվերում մնացած» ճշմարտությունը շուտով կլուսավորվի» հաղորդման ժամանակ։ If this does not clear your confusion, I am not sure what would. But this has been clear enough for almost anyone else willing to understand, without intentionally trying to pick sides, what happened IN REALITY.
stepan sargsyan
Dear Kamavor, we are not talking about a complete blackout of the monument, but a partial one, enough for the monument not to be visible from the stadium. What baffles me is the fact that the Yerkir Media's main topic in the program is their own recording, while everyone seems to be making the Turkish journalists the cornerstone of the program. The Turks saw what the Yerkir Media recorded. Wow! Seriously!
stepan sargsyan
Dear Kamavor, no one wants to downplay anything. This thing DID happen, what kind of Turkish propaganda are we talking about. Reporting the truth???
stepan sargsyan
Dear Kamavor, irrespective of what the Turkish journalists quoted, the lights were turned off, as RECORDED BY THE YERKIR MEDIA TEAM. So, if anything, the Turkish journalists were correct. The Yerkir Media program does not base its claims on what the Turkish journalists wrote, even if they are mentioned, but what THEY THEMSELVES RECORDED. How can this be that confusing?
Հարօ Մհերեան, Մաթեմատիկոս
Dear Kamavor Sarkissian, Please watch Yerkir Media clip again. Just because the truth was reported by Turkish media does not necessarily invalidate it, even if it is propaganda. You see, scientists don't just listen to the statements, but they infer the facts that were not stated. Such a method is sometimes called 0-Information Theory (used more often in strategic game theory, i.e. Nash theory). There are also some game theory methodology that guesses the questions from the answers. Why does Armen Ayvazyan quote the Turkish report? Because my dear Kamavor, it is the duty of a strategic center to intensively monitor the enemies movements, specially in the propaganda area. But that does not mean they parotically recite everything the enemy reports. In most cases they infer what the enemy did not report. The Yerkir Media clip reports also their own photographic evidence that lights were out at the monument. In fact, they clearly show the lighting at two different days. Anyone who has been at Zizernagaberd at night can see that the lights were out from the footage comparison, unless of course they are physically or mentally blind. It may also be the case that you are not fluent in Armenian language, that is why I wrote this message in English. I am saying this because the Yerkir Media footage is clearly saying that they were there at two different days, to just compare the lighting, and they concluded that the lights on that day was not like the other days (and this, in plain Armenian).
Kamavor Sarkissian
Dear Stephan Unfortunately I am not a teacher, but what I heard and saw is pretty enough to say that: a. In this footage of Yerkir Media the Armenian journalist simply quotes Turkish newspaper and shows the article of Turkish Hurriyet saying that lights were turned off. There is a reference to the opinion of Turkish journalists in that material as well. PLEASE CONFIRM IT!!! b. Armen Ayvazyan he says during this interview that the footage is OK while describing the story and he agrees with the content of that footage. Check again and CONFIRM IT PLEASE if I am wrong. Moreover Armen says he has read the translation of the Turkish newspaper article and QUATED IT in his interview. But if you watch attentively he at the same time wants to downplay that moment, maybe understanding how dangerous game he is playing. What you want after all this disaster? c.Armen Ayvazyan have to apologize for this in front of Hayk Demoyan and museum staff, because he made a lot of troubles for them, as I see, with his credits to the Turkish disinformation and lies.
Հարօ Մհերեան, Մաթեմատիկոս
Գիտական գրաքննութիւն գրելու օրէնքները ֆուտբոլային դիւանագիտութեան խաղի օրէնքներ չեն, կայ խիստ հետեւանք որը կոչւում է ՃՇՄԱՐՏՈՒԹԻՒՆ։ Ճշմարտութիւնը ոչ մարդ է ճանաչում ոչ էլ մարդու խիղճ։ Ճշմարտութիւն գտնելը մոլուցք չէ, դա մեր բոլորի ազգովի փրկութիւնն է։ Եթէ ջարդենք մեր գիտնականներին, մենք կ՚ջարդենք զմեզ։ Ուստի խնդրում եմ Դեմոյանականներից, չշփոթել մեր գործը մեր անհատականութեան հետ։ Քանզի մենք վերջինից ի ծնէ հրաժարուել ենք այն օրից երբ պսակուեցինք գիտնական։ Վերջում նորից հրաւիրում ենք Դեմոյան կոչեցեալին որ՝ - եթէ մարդ ես (արդէն բացայայտուել է որ նա գիտութեան հետ կապ չունի), ապա՝ մարդավարի պաշտպանիր դու զքեզ, եւ ոչ թէ փողոցավայել հայհոյանքներով խուսափիր հարցից։ Գիտնականը երբ մի երկրորդի սխալն է գտնում, ըստ սովորութեան երկրորդը շնորհակալութիւն է յայտնում բացայայտուած սխալի համար եւ յետոյ նստում եւ այդ սխալը ուղղում։ Առ նուազն սա է մեր սպասելիքը Պրն Դեմոյանից, եւ ոչ թէ բացէ ի բաց հայհոյել մի այլ երրորդ գիտնականին կամ պիտակաւորել մի ամբողջ հասարակական գիտական ուժին։ Ուժ՝ որ կատարում է այն սրբազան գործը որ պաշտօնական տիտղոսաւորները կաշառակերութեամբ խուսափում են կատարելուց։ Ազգի պաշտպանութիւնը մեր պատասխանատւութիւնն է, իսկ ճշմարտութիւնը մեր միակ վախը, մնացածը մեզ չի խանգարում եւ չպէտք է շեղի մեր ազգապահպան նպատակից։ Այն ինչ որ պատուիրուել է Դեմոյանական անձնաւորութիւններին. թուրքամէտ է եւ Քեմալական։ Այսինքն՝ նախ Հայ ազգը անջատել իր մտաւորականներից, եւ ապա՝ կործանել անգլուխ հասարակութեանը։ Սա է այս խնդրի հետին նպատակը, եւ սա արդէն մի անգամ ճաշակեցինք 1915-ին։
Stepan Sargsyan
I am starting to wonder whether there is an intentional misdirection of attention from Yerkir Media's own footage to the Turkish journalists. They have recorded everything, but these people are still hung up on Turkish journalists. Wow!!!
Stepan Sargsyan
Some of the authors of these comments either have serious hearing and visual issues, or they are completely unable to comprehend what they hear and see. Dear Jack, in which part of the Yerkir Media clip did you miss hearing or seeing that these guys RECORDED the monument and its surrounding on 2 different nights and compared the starkly different lighting??? Which part of Yerkir Media's own footage of the memorial surorunding was obtained from the Turkish journalists and their newspapers. This is mind-numbing. People do not understand what they see.
Kamavor Sarkissian, LA
What? Ayvazian comments Turkish provocations and says Turks are right. Are you insane man? I thought you are a clever one, but what are you doing now, is at least dangerous for all of us.
HAIRAPET
avelacreq xndrum em im storagrutiun@
Jack Berberian
This is my last explanation. Aivazian and Yerkir media both JUST QUOTE Turkish newspaper and refer to the opinion of “Turkish journalists who visited Armenia and said that lights were turned off”. And you just confirm Turkish provocations. See the title of the file attached to this letter. Here I believe Demoian is absolutely right and you guys you should learn the very basics of the propaganda wars otherwise you again will be an instrument for Turkish propaganda tricks as you still continue to be… I am shocked, no words…
Stepan Sargsyan
Dear Hoynar, some individuals just have hard time coping with reality, I guess.
hoynar
i believe in my eyes 1st, dear Jack! i SAW in Yerkir Media news that the lights were turned off :)
Vik
Սկզբում ավում ա Դեմոյանը լույս ա մարել, հիմա ել ասում են լույսը պակասացրել ա :)))) Հետո էլ բանավիճելուց ու կուլտուրայից ենք խոսում, իսկական հայկական տարբերակ: Կարող ա երրորդ փուլով ել ասեք Դեմոյանը վոլտաժներն ել ա փոխել, թե արդեն ջոկել եք որ ստի վրա բռնվել էք: Ես չեմ զարմանա եթե Այվազյանը լուսերի մարելու պահով հոդված էլ գրած լինի... Իսկականից ամոթ ա: Այվազյանի արածը պաշտպանելով իրան ավելի վատ վիճակի մեջ եք քցում, գոնե սուս մնացեք էս խայտառակությունը մեջտեղ չգա էլի:
Ստեփան Սարգսյան
Հարգելի Անի, Ձեզ հետ բանավիճելը բավականին բարդ գործ է, որովհետև վերլուծության կարողությունը մի կողմ եք դնում, և պնդում եք, որ մածունը սև է։ Կխնդերի մի քանի անգամ ևս նայել հաղորդումը։ Այստեղ հաղորդումը փաստում է, որ Դեմոյանը ստել է և շարունակում է ստել՝ պնդելով, որ լուսավորությունը չի պակասեցվել՝ հուշարձանը Հրազդան մարզադաշտից նայելուց մթության մեջ պահելու նպատակով։ Իսկ դուք խոսում եք ինչ որ հղումներից՝ ասելով, թե թուրքական մամուլին հղում է տրվել, մի բան, որ Արմեն Այվազյանն ինքն ասում է․ սրա մասին իմացել է մյուս անհատներից և թուրքական մամուլից։ Իբր դա քիչ էր, Երկիր Մեդիան էլ տեսագրել է այդ ամենը։ Ուրիշ ի՞նչ խնդիր կա հղման հետ կապված։ Դուք ադպես էլ չհասկացա՞ք, թե Դեմոյանի ստախոսությունն ու զրպարտանքը ինչումն է կայանում։ Ոչ թե նրանում, որ Արմեն Այվազյանը թուրքական մամուլից որևէ բան կարդացել է, այլ որ Արմեն Այվազյանին Դեմոյանը զրպարտում է դավաճանության, պետական հանցագործության մեջ՝ թուրքական մամուլից ստահոդ լուր տարածելու շինծու մեղադրանքով։ Կրկնում եմ․ ՍՏԱՀՈԴ։ Մի տեղ ասում եք, եթե լույսը անջատած լիներ, ջահերը բավական էին լուսավորելու համար՝ այդպիսով վիրավորելով և՛ Դեմոյանի, և՛ այս ամենի մասին մյուս բանավիճողներիս մտավոր ունակությունները, իբր ի՞նչ խնդիր կա՞ որ․ լույս է, անջատել են, միևնույն է, քչից-շատից լույս կար չսայթաքելու համար։ Լիակատար աբսուրդ։ Մեկ ասում եք նայել եք, բայց խնդիր չեք տեսնում (ես էլ Ձեր չտեսնելու հետ եմ խնդիր տեսնում՝ կապված Ձեր տեսածն ու լսածը վերլուծելու անկարողության հետ)։ Այստեղ հաղորդումը ցույց է տալիս, որ Դեմոյանը ստել է և շարունակում է ստել՝ պնդելով, որ լուսավորությունը չի պակասեցվել՝ հուշարձանը Հրազդան մարզադաշտից նայելիս մթության մեջ պահելու նպատակով։ Իսկ դուք փորձում եք Ամերիկա հայտնագործել՝ ասելով, թե թուրքական մամուլին հղում է տրվել, մի բան, որ Արմեն Այվազյանն ինքն է ասում․ իմացել է մյուս անհատներից և թուրքական մամուլից։ Այլևս ասելու բան չունեք, փրփուրների՞ց եք կախվել։ Դեմոյանին թվում է, թե բոլորը կամ հիշողության ամնեզիայով են տառապում, մոռացել են ամեն ինչ, կամ էլ հանրապետական կուսակցության անդամներ են, հիշում են առանձին դրվագներ, ըստ նպատակահարմարության։ Բայց չի հաշվարկել, որ այս տեղեկատվական դարում կա և՛ տեսագրություն, և՛ ձայնագրություն, և՛ այդ ամենի լայնածավալ արխիվ։
Ստեփան Սարգսյան
Պարզվում է Դեմոյանի փողոցային հայհոյանքներով խոսելու ոճը հատուկ չէ միայն Դեմոյանին, այլ իր ամբողջ աջակիցների խմբակին։
Arthur Armin
Խնդրում եմ իմ ստորագրությունն էլ դնել վերեւի նամակի տակ: Ափսոս ես չեմ իմացել հայագիտության կեղծարարների պնակալեզ Դեմոյանի ժամանումը Լոս-Անջելես:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter