Մարդու իրավունքների պաշտպանի պաշտպանը
Լարիսա Ալավերդյանն այսօր նաեւ անդրադարձավ Հայաստանի օմբուդսմեն Արմեն Հարությունյանի գործունեությանը, ինչը նա, ընդհանուր առմամբ, որակեց դրական` նշելով, որ նա ճիշտ ճանապարհով է գնում եւ մարդու իրավունքների պաշտպանի ինստիտուտը կայացման գործընթացում է:
«Այսքան ժամանակ մարդու իրավունքների պաշտպանի աշխատակազմի ղեկավարի ամենադատապարտելի բացթողումը փաստահավաք խմբի վաղաժամկետ գործունեւոթյան դադարեցումը կանխել չկարողանալն էր: Դա դատապարտում եմ: Այստեղ ավելին քան երբեւիցե, մարդու իրավունքների պաշտպանի ներկայացուցիչը պետք է պնդեր այդ խմբի գործունեությունը»:
Լրագրողների հարցին, թե ինչպես է վերաբերվում այն հանգամանքին, որ թե´ իշխանությունը, թե´ ընդդիմությունը հավասարապես քննադատում են Արմեն Հարությունյանի գործունեությունը, Լարիսա Ալավերդյանը պատասխանեց. «Իմ կարծիքով` դա լավագույն գովասանքն է` ուղղված Արմեն Հարությունյանին»:
Բանախոսը նշեց նաեւ, որ ցավում է, որ այսօր Հայաստանում իշխանություններն օմբուդսմենի ինստիտուտն ընկալում են որպես մի թույլ, մեծ հասարակական կազմակերպություն, որը, չգիտես ինչու, բյուջեից է ֆինանսավորվում:
«Ասում են`սա ի՞նչ թերի պետական մարմին է: Այնինչ, դա յուրաքանչյուր պետության զարդն է: Եւ ես, որպես առաջին պաշտպան, իմ առաքելությունն եմ համարում այդ կառույցին միշտ աջակցել եւ միշտ օժանդակել: Պատահական չէ, որ միջազգային դիտորդները հաստատել են իմ երկրորդ կոչումը ` հայաստանյան մարդու իրավունքների պաշտպանի պաշտպան»,- եզրափակեց Լարիսա Ալավերդյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել