«Ցանկացած որոշում, որը չի բավարարում Արցախի ժողովրդին` չի կարող կյանքի կոչվել»
Երկրի ներքին եւ արտաքին քաղաքականության ոլորտներում, ըստ ԼՂՀ վարչապետ Արա Հարությունյանի, տարվա ընթացքում ոչ էական բացթողումներ են եղել, ոչ էլ` ձեռքբերումներ: Այս առնչությամբ հարցին ի պատասխան վարչապետն այսօրվա մամուլի ասուլիսի ժամանակ ընդգծել է, որ ամեն դեպքում ղարաբաղյան հարցի լուծման վերջին խոսքը Արցախի ժողովրդինն է լինելու:
Արցախի ինքնորոշման իրավունքի ճանաչումը շարունակում է մնալ Ղարաբաղի իշխանությունների դիրքորոշման հիմքում:
«Դրանից հետո կարելի է մասնակցել ընթացող բանակցություններին եւ փոխզիջումների հարց քննարկել: Այստեղ բոլորը հավասար են եւ յուրաքանչյուր քաղաքացի իրավունք ունի արտահայտել եւ պնդել իր կարծիքը: Ցանկացած որոշում, որը չի բավարարում Արցախի ժողովրդին` չի կարող կյանքի կոչվել»,-վստահեցրել է վարչապետը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել