Պարենային ապրանքների գները դարձյալ աճում են
ԼՂՀ Ազգային վիճակագրական տվյալների համաձայն` 2009թ. դեկտեմբերին ԼՂՀ սպառողական շուկայում շարունակվել է նախորդ երեք ամիսներին արձանագրված գնաճի միտումը եւ չորս ամիսների ընդհանուր գնաճը կազմել է 2.9 տոկոս, ընդ որում դեկտեմբերին նոյեմբերի համեմատ սպառողական գների ինդեքսն աճել է 1.1 տոկոսով: Դա հիմնականում պայմանավորվել է որոշ ապրանքատեսակների գների սեզոնային փոփոխություններով:
Պարզվում է, որ պարենային ապրանքների (ներառյալ ոգելից խմիչք եւ ծխախոտ) գները 2009թ. դեկտեմբերին նոյեմբերի համեմատ աճել են 2 տոկոսով, ինչը հիմնականում արդյունք է բանջարեղեն, կարտոֆիլ եւ միրգ ապրանքախմբերում արձանագրված համապատասխանաբար 15.3 եւ 9.6 տոկոս գնաճերով: Ոչ պարենային ապրանքների խմբում նախորդ ամսվա նկատմամբ արձանագրվել է 0.7 տոկոս հավելաճ, ծառայությունների ոլորտում 2009թ. դեկտեմբերին նոյեմբերի համեմատ արձանագրվել է սակագների 0.2 տոկոս գնանկում:
Մեկնաբանել