Լոռեցիները նախընտրում են մարիխուանան
ՀՀ ոստիկանության Լոռու մարզային վարչության շտաբի պետ, ոստիկանության գնդապետ Ս. Հարությունյանի տրամադրած տվյալներով` 2009թ. Լոռու մարզի տարածքում գրանցվել է թմրամիջոցների հետ կապված հանցագործության 83 դեպք (միայն 41-ը` Վանաձորում), 2008-ին` 52 դեպք:
2009-ին նկատվել է իրացման նպատակով թմրամիջոցների ապօրինի շրջանառության ցուցանիշների աճ` 25 դեպք (միայն 15-ը` Վանաձորում), 2008-ին` 14 դեպք:
Գուգարքում գրանցվել է 6 հանցագործություն, որից 2-ը` իրացման նպատակով թմրամիջոցների ապօրինի շրջանառություն, Սպիտակում` 8 հանցագործություն, 3-ը` իրացում, Ստեփանավանում` 9-ը, 3-ը` իրացում, Տաշիրում` 6, 1-ը` իրացում, Թումանյանում` 13, 1-ը` իրացում:
2010թ. մարզում գրանցվել է թմրամիջոցների հետ կապված 45 հանցագործություն, որից 10-ը` իրացման նպատակով թմրամիջոցների ապօրինի շրջանառություն:
Վանաձորում հայտնաբերվել է թմրամիջոցների ապօրինի շրջանառության 14 դեպք, որից 1-ը` իրացման նպատակով, Գուգարքում` 6, որից 2-ը` իրացման նպատակով, Սպիտակում` 7, որից 2-ը` իրացման նպատակով, Ստեփանավանում` 6, որից 2-ը` իրացման նպատակով, Թումանյանում` 8, 3-ը` իրացման նպատակով, Տաշիրում` 4, որից իրացման նպատակով ոչ մի դեպք:
Մարզում հայտնաբերված եւ հիմնական օգտագործվող թմրամիջոցը մարիխուանան է:
2010թ. ընթացքում հայտնաբերվել է 777,191 գ մարիխուանա տեսակի թմրանյութ, 455,79 գ` հաշիշ եւ այլ տեսակի թմրամիջոցներ, որոնք հիմնականում հոգեմետ դեղահաբեր են:
Թմրանյութերի ամենամեծ քանակությունն առգրավվել է Վանաձորում, Ստեփանավանում եւ Տաշիրում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել