Իրավիճակը հարթվա՞ծ է
Կալկաթայի Հայոց մարդասիրական ճեմարանում տեղի ունեցող իրադարձություններն ու դեպքերը Մայր Աթոռ Սուրբ Էջմիածնում ուսումնասիրվում են: Այս մասին «Հետքին» տեղեկացրեց Մայր Աթոռի տեղեկատվական համակարգի տնօրեն Տեր Վահրամ քահանա Մելիքյանը և մանրամասներ լինելու դեպքում խոստացավ լրացուցիչ տեղեկացնել:
«Հացադուլը դադարեցնելու համար Մայր Աթոռն ի՞նչ քայլեր է ձեռնարկել հարցին» Տեր Վահրամը պատասխանեց. «Ինձ թվում է` այդ վիճակն արդեն հարթված է: Մենք մշտական կապի մեջ ենք ճեմարանի կառավարչի հետ և կարծում եմ, որ իրավիճակը կհարթվի»:
Այս պահին պատվիրակություն չի գնացել Կալկաթա, հարցը կքննարկվի և այդ ժամանակ կորոշվի` արդյոք պետք է պատվիրակ գնա, թե ոչ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել