Տեսանյութեր
Լուսանկարներ
Ամալյանը չի սիրում նաեւ «ԳԱԼԱ»-ին
Խոսքի ազատության պաշտպանության կոմիտեի նախագահ Աշոտ Մելիքյանն այսօր անդրադարձավ ՀՌԱՀ-ի վերջին մրցույթի արդյունքներին, որով «Ա1+»-ը եթեր չստացավ, «ԱԼՄ»-ն էլ եթերակզրկվեց. «Իմ գնահատականները ՀՌԱՀ-ին միշտ եղել են բացասական եւ շարունակում են այդպես մնալ: ՀՌԱՀ-ը չի աշխատում թափանցիկ, ՀՌԱՀ-ը կախված էգործադիր իշխանությունից, ՀՌԱՀ-ը անկախ չէ եւ ուղղակի իր որոշումները կանխորոշված են միշտ լինում: Դա վերաբերում է նաեւ այս մրցույթին: ՀՌԱՀ-ը կողմնակալ է եղել եւ մնում է կողմնակալ»:
«Հետքի» հարցին, թե հինգշաբթի օրը մարզային հեռուստաընկերությունների թվային հեռարձակման մրցույթում արդյոք «ԳԱԼԱ»-ն լիցենզիա կստանա, Աշոտ Մելիքյանը պատասխանեց` ամենայն հավանականությամբ` ոչ. «Եկեք կանխատեսումներ չանենք: Բայց որ Գրիրգոր Ամալյանը չի սիրում «Ա1+»-ին այնքան, ինչքան «ԳԱԼԱ»-ին, դա միանշանակ է: «ԳԱԼԱ»-ի հայտնի պատմության ժամանակ, երբ նրա դեմ արշավ էր սկսվել, մասնակցում էին ոչ միայն հարկային մարմիններ, այլեւ ուրիշ մարմիններ, այդ թվում` ՀՌԱՀ-ը»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել