Րաֆֆի Հովհաննիսյանը ասուլիս տվեց Ազատության հրապարակում
Հայտարարած հացադուլի` «Ծոմ Ազատության» 7-րդ օրվա կապակցությամբ «Ժառանգություն» կուսակցության հիմնադիր Րաֆֆի Հովհաննիսյանը այսօր Ազատության հրապարակում մամուլի ասուլիս էր հրավիրել:
Րաֆֆի Հովհաննիսյանը շնորհակալություն հայտնեց Ազատության հրապարակում իրեն այցելած և զորակցություն հայտնած հազարավոր քաղաքացիներին: Այնուհետև Րաֆֆի Հովհաննիսյանն ընթերցեց 15 կետից բաղկացած պահանջները, ինչի համար ինքը հացադուլ է հայտարարել, իսկ այդ ընթացքում երիտասարդ ակտիվիստները շարժում էին այդ նպատակներն արտահայտող պաստառները:
Հայաստանի առաջին արտգործնախարարը կոչ արեց իշխանությունը վերադարձնել ժողովրդին: Րաֆֆի Հովհաննիսյանը չասաց, թե երբ կդադարեցնի իր հացադուլը, այլ նշեց, որ կշարունակի այնքան, որքան կդիմանա իր մարմինը և կամք կտա Աստված:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել