Վանաձորի քաղաքապետը հանդիպել է ակցիայի մասնակիցներին
«Ընդդեմ էլեկտրաէներգիայի թանկացման ակցիա Վանաձորում» նախաձեռնության մասնակիցներին այսօր հանդիպեց Վանաձորի քաղաքապետ Սամվել Դարբինյանը: Համայնքի ղեկավարը մասնակիցներին առաջարկել է ավարտել ցույցը: Ցուցարարները պատասխանել են, որ իրենք չեն դադարեցնի բողոքի ակցիան։
«Մեր ցույցերը շարունակվելու են: Մենք աջակցելու ենք Երեւանի, Գյումրու եւ մյուս տեղերի ցուցարարներին։ Էստեղ հարցը 6,93 դրամը չի, ընդհանրապես սա փոքր հետեւանք է, այն անբողջ անպատասխանատվության ու անպատժելիության, որ մեր երկրում կա»,- ասում է Վարդինե Գրիգորյանը։
«Մեր փողոց դուրս գալու իմաստը էնա, որ մինչեւ հետազոտություն չանեն, մինչեւ քննության չառնեն, էն մարդկանց նկատմամբ հրապարակում տեղի ունեցած բռնությունը չդատապարտվի, մինչեւ պատասխանատվության չենթարկվեն, մենք տուն չենք գնալու: Որովհետեւ էս ժողովուրդը էսքան տարիների ընթացքում էնքան անարդարություններ է տեսել, հիմա արդեն արդարություն ա ուզում»,-ասում է ակցիայի մասնակից Արտաշես Սերգոյանը:
Տաթեւիկ Ղազարյան
Մեկնաբանել