Տեսանյութեր
Լուսանկարներ
Գինու 2-րդ փառատոնն Արցախում
Արցախի Հադրութի շրջանի Տող գյուղում Մելիք Եգանի ապարանքի բակում գինու բուրմունքին միախառնվել էին ավանդական ժինգալով հացի, կորկոտի ու խորովածի բույրերը։ Գինու երկրորդ փառատոնին ավելի քան 20 գինի արտադրողներ ներկայացրել են իրենց արտադրանքը։
ԼՂՀ զբոսաշրջության վարչության պետ Սերգեյ Շահվերդյանի խոսքով՝ փառատոնը երկու հիմնական նպատակ ունի` ստեղծել բարենպաստ պայմաններ տեղացի գինի արտադրողների արտադրանքն իրացնելու համար և ձևավորել նոր զբոսաշրջային արտադրանք։
Այս տարի, բացի գինու վաճառքից, գյուղացիները վաճառքի էին հանել նաև գյուղմթերքներ՝ Հադրութի շրջանի հայտնի թթուների տարբեր տեսակներ, թոնրի հաց, մրգային չրեր և այլն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել