Տեսանյութեր
Լուսանկարներ
Ոստիկանները տարան «Նոր Հայաստանի» վրանը. կան բերման ենթարկվածներ
Լիլիթ Թադևոսյան
Հայ ազգային կոնգրեսը, ինչպես ամեն տարի, այս տարի էլ անցկացնում է մարդու իրավունքների պաշտպանության երթ:
«Ժառանգություն» կուսակցության ղեկավար Րաֆֆի Հովհաննիսյանի ելույթի ժամանակ այսօր «Նոր Հայաստան» հկ-ն փորձեց վրան տեղադրել, սակայն ոստիկանները թույլ չտվեցին:
Քաղաքացիները փորձում էին կանխել ոստիկանների գործողությունները, սակայն ոստիկանների հաջողվեց տանել վրանը: ՀԱԿ խմբակցության քարտուղար Արամ Մանուկյանը երթի մասնակիցներին հանդարտեցրեց` նշելով, որ իրենք պայքարում են վրանը տեղադրելու իրավունքի, և ոչ վրանի համար, այդ իսկ պատճառով ոստիկանների կողմից վրանը տանելով` ոչինչ չի փոխվում: Մի քանի օր առաջ քվեատուփերն էին տանում, վրանն ինչ է, որ չտանեն` ասաց Արամ Մանուկյանը:
Քիչ հետո երթի մասնակիցները Ազատության հրապարակից կշարժվեն դեպի Կենտրոնական ընտրական հանձնաժողովի շենք: Պարզվեց նաև որ վրանը տանելիս ոստիկանները բերման են ենթարկել մի քանի հոգու, անունները դեռևս հայտնի չեն մեզ:
Նշենք, որ ՀԱԿ-ը մարդու իրավունքների պաշտպանության երթն անցկացնում է 2008թ.-ից սկսած :
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել