Սերժ Սարգսյանի հրամանագրով Հայաստանի Հանրապետության տարածքային կառավարման և արտակարգ իրավիճակների նախարարությունը վերակազմակերպվել է Տարածքային կառավարման և զարգացման նախարարության և Արտակարգ իրավիճակների նախարարության: 

Հայաստանի Հանրապետության կառավարությանը հանձնարարվել է մեկամսյա ժամկետում ընդունել սույն հրամանագրից բխող համապատասխան որոշումներ:

Մեկ այլ հրամանագրով Արմեն Երիցյանը ազատվել է Տարածքային կառավարման և արտակարգ իրավիճակների նախարարի պաշտոնից՝ նշանակվելով Արտակարգ իրավիճակների նախարար:

Տարածքային կառավարման և զարգացման նախարարի պորտֆելը, համաձայն ՀՀԿ-ի և ՀՅԴ-ի միջև ավելի վաղ կնքված Քաղաքական համագործակցության համաձայնագրի, տրվել է ՀՅԴ բյուրոյի անդամ, Գյուղատնտեսության նախկին նախարար Դավիթ Լոքյանին: