Տեսանյութեր
Լուսանկարներ
Արցախի ոստիկանությունը Հայկ Խանումյանի նկատմամբ պաշտպանության միջոցներ կիրառելու որոշում է ընդունել
ԼՂՀ ԱԺ պատգամավոր Հայկ Խանումյանի առևանգման փաստով հարուցված քրեական գործի առնչությամբ ԼՂՀ ոստիկանութունը հայտնում է, որ քննչական խմբի կողմից հունիսի 6-ից 8-ն ընկած ժամանակահատվածում իրականացվել են մի շարք դատավարական գործողություններ: Մասնավորապես՝
- կատարվել է դեպքի վայր հանդիսացող Ստեփանակերտ քաղաքի Վերածննդի հրապարակի համապատասխան հատվածի զննություն, որի ընթացքում նաև արձանագրվել են այն շենքերն ու շինությունները, որոնց վրա տեղադրված են տեսագրող սարքեր,
- որոշում է կայացվել տեսագրող սարքերի դեպքին վերաբերող հնարավոր տեսագրությունները առգրավելու մասին,
- որոշում է կայացվել Հ.Խանումյանին տուժող ճանաչելու մասին, ինչպես նաև կատարվել է տուժողի հարցաքննություն,
- որոշում է կայացվել տուժողի նկատմամբ դատաբժշկական փորձաքննություն նշանակելու մասին,
- որոշում է կայացվել Հ.Խանումյանի նկատմամբ պաշտպանության միջոցներ կիրառելու մասին՝ հաշվի առնելով այն հանգամանքը, որ ըստ տուժողի ցուցմունքի՝ հանցագործության ընթացքում հնչել են իրեն ուղղված սպառնալիքներ,
- կատարվել են դեպքին հնարավոր ականատես մի շարք անձանց հարցաքննություններ:
Նախաքննությունը շարունակվում է: Ըստ ոստիկանության տարածած հաղորդագրության՝ իրականացվում են քննչական և օպերատիվ հետախուզական միջոցառումներ՝ ուղղված հանցանք կատարած անձանց ինքնությունը պարզելուն:
Մեկնաբանություններ (1)
Մեկնաբանել