Հանրային խորհուրդը իրավիճակից ելքը տեսնում է երկխոսության մեջ
Հանրային խորհրդում հուլիսի 19-ին տեղի է ունեցել արտահերթ լիագումար փակ նիստ, որի ընթացքում քննարկվել են ՊԾ գնդի վրա զինված հարձակման հետևանքով Հայաստանում ստեղծված իրադրությունը և հարցի լուծման խաղաղ տարբերակները:
ՀԽ մամլո ծառայությունից հայտնում են, որ խորհրդի անդամները միակարծիք են եղել խնդիրը բանակցությունների և երկխոսության միջոցով լուծելու տարբերակի վերաբերյալ:
Հանրային խորհուրդը պատրաստակամություն է հայտնել ամեն կերպ աջակցել, որպեսզի մեր հասարակությունն ու պետությունը լարված այս իրավիճակը հաղթահարեն առանց ցնցումների:
ՀԽ-ն գտնում է, որ ներկա իրադրության կարգավորումից հետո պետք է ապահովվի լայն երկխոսություն իշխանությունների և հասարակության տարբեր շերտերի միջև Հայաստանի առջև ծառացած խնդիրների` հատկապես Ղարաբաղյան հիմնահարցի վերաբերյալ:
Լուսանկարը՝ ՀԽ կայքից
Մեկնաբանել