Արմեն Լամբարյանը կալանավորվեց
Այսօր «Էրեբունի» բժշկական կենտրոնում գտնվող «Սասնա ծռեր» խմբի անդամ Արմեն Լամբարյանի նկատմամբ մեղադրանք էր առաջադրվել ՀՀ Քրեական օրենսգրքի 219-րդ հոդված 3-րդ մասի 1-ին կետով, այն է՝ կազմակերպված խմբի կողմից՝ շենքեր, շինություններ, տրանսպորտի, հաղորդակցության կամ կապի միջոցներ զավթելը և 235-րդ հոդվածի 3-րդ մասով՝ կազմակերպված խմբի կողմից՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
Փաստաբան Ինեսսա Պետրոսյանը քիչ առաջ հայտնեց, որ մեղադրանք առաջադրելուց ժամեր անց Լամբարյանին պատգարակով տեղափոխել են Արաբկիր և Քանաքեռ-Զեյթուն վարչական շրջանների ընդհանուր իրավասության դատարան։ Դատարանը որոշել է Լամբարյանի նկատմամբ որպես խափանման միջոց ընտրել երկամսյա կալանքը: Դատարանը նաև մերժել է գրավի դիմաց ազատ արձակման միջնորդությունը:
Լամբարյանին արդեն տեղափոխում են «Դատապարտյալների հիվանդանոց» քրեակատարողական հիմնարկ։ Պետրոսյանի խոսքով, նման առողջական խնդիրներով և հատուկ բուժօգնության կարիք ունեցող անձին բացարձակ նպատակահարմար չէր «Դատապարտյալների հիվանդանոց» տեղափոխելը։
Առաջադրված մեղադրանքում Լամբարյանը իրեն մեղավոր չէր ճանաչել, դատարանում ևս հայտարարել է, որ պահանջում է իր վրա մահափորձ կատարողները ենթարկվեն քրեական պատասխանավտության:
Մեկնաբանել