Պատրա՞ստ ենք լսելու
Վահան Բուռնազեան
Ռեժիսոր Գագիկ Ղազարեն իր նոր «Լսիր ինձ. չպատմված պատմություններ ատելությունից անդին» ֆիլմի միջոցով հայ հասարակությանը յուրահատուկ առաջարկություն է անում, այն է՝ սկսել նորից։
Սովորաբար բոլոր հասարակություններին առաջարկում են նույն բանավեճերը. մեղքերի շարան, ընտրություն ազատական կամ պահպանողական կապիտալիզմի միջև, մշակույթային պատերազմ, քավության նոխազ կամ զինված հակամարտություն` շեղելու մեր ուշադրությունը էլիտաների կոռումպացված լինելու փաստից։ Ղազարեն հրաժարվում է առաջնորդվել ԼԳԲՏ անձանց մասին հնացած ու կարծրացած կաղապարներով։ Փոխարենը նա հեղափոխական մի բան է անում՝ առաջարկում լսել նրանց։
Արդյո՞ք մենք երբևէ լսում ենք միմյանց։ Ամենամեծ տրամաբանական սխալներից է հավատալը, որ մարդիկ մտածում և ընկալում են աշխարհը մեզ նման։ Մեզանից փոքր-ինչ տարբեր ցանկացած բան բացառելը՝ սխալ համարելով մարդկանց ներքին բնությունը, նույնպես մոլորություն է։ Բոլոր անհատները տարբեր են, և այդ տարբերությունները միավորելը թույլ է տալիս կառուցել տոկուն հասարակություն․ այս գործընթացը կոչվում է համակեցություն։ ԼԳԲՏ անձինք գոյություն ունեն և Հայաստանում և սփյուռքում և «Լսիր ինձ» ֆիլմը մարտահրավեր է նետում ձեզ՝ լսել նրանց, լսել նրանց պայքարի ճանապարհի ու հույսերի մասին, լսելու այն, ինչ իշխանական էլիտաները ձեզ երբեք չեն մատուցի՝ ներքին ճշմարտությունը։
«Լսիր ինձ» ֆիլմը նախադրյալներ է ստեղծում ԼԳԲՏ անձանց մասին նոր պատկերացումներ կազմելու․ միայն թե կարողանանք լսել և տեսնել մեր սեփական ընկալումներից անդին։ Ղազարեի վավերագրական ֆիլմից հետո հուսով եմ տեսնել մեկ այլ վավերագրական ֆիլմ մեր իսկ մեջ եղած կոռուպցիայի մասին․ արդյո՞ք բավարար քաջություն կունենանք այդ մասին պատմելու և լսելու։
Մարտահրավեր նետեք ինքներդ ձեզ։
«Լսիր ինձ» ֆիլմի հաջորդ ցուցադրումը տեղի կունենա դեկտեմբերի 2ին, ժամը 19։00-ին, «Հոդված 3» ակումբում, Թումանյան 26ա հասցեով։
Անգլերենից թարգհմանեց Սամսոն Մարտիրոսյանը
Մեկնաբանել