Այսօր կայացել է լրագրողների և լրատվամիջոցների համար Հայաստանի մանուկներ հիմնադրամի (COAF) կողմից հայտարարված մրցանակաբաշխությունը։

Հիմնադրամն ուսումնասիրել էր 2016 թ. հուլիսի 15-ից դեկտեմբերի 15-ը հայաստանյան և արցախյան լրատվամիջոցներում տեղ գտած նյութերը՝ հետևյալ անվանակարգերում.

• COAF-ին ամենաշատն անդրադարձող լրատվամիջոցը
• Ամենաբազմազան թեմաներով հրապարակումների հեղինակը
• Գյուղական խնդիրներն օբյեկտիվ ներկայացնող լրատվամիջոցը
• Ամենահուզիչ հոդվածի հեղինակը
• ԱմենաCOAF-ական լուսանկարը

«Հետք»-ի լրագրող Նաիրա Հայրապետյանն արժանացել է մրցանակի երկու անվանակարգերում` «Ամենաբազմազան թեմաներով հրապարակումների հեղինակը» և «Ամենահուզիչ հոդվածի հեղինակը»:

Հիմնադրամը տեղեկացնում է, որ մրցույթի ընթացքում լրատվամիջոցների տեսակի սահմանափակում չի եղել։ Դիտարկվել են հեռուստաընկերությունները, ռադիոընկերությունները, առցանց լրատվամիջոցները, տպագիր մամուլը և լրատվական գործակալությունները: