Նախարարի գնահատմամբ՝ գործարարների կրած վնասները ավելի շատ «բարոյական» են
Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանի փոխանցմամբ` եղանակային պայմաններով պայմանավորված` Հյուսիս-Հարավ ավտոճանապարհի աշխատանքները «նվազել են», և այս պահին միայն հողային աշխատանքներ են կատարվում, մինչև եղանակային պայմանները կբարելավեն և կսկսվի բետոնային աշխատանքների իրականացումը։
Մարտիրոսյանը, անդրադառնալով Վերին Լարսի անցակետի անկանոն աշխատանքի հետևանքով գործարարների կրած վնասներին, դժվարանում է դրանք գնահատել` նշելով. «Վնասները գնահատելը շատ դժվար է, որովհետև վնասը հիմնականում դա օրերի հարց է... բարոյական վնասներ են ավելի շատ»։
Նախարարի գնահատմամբ` այդ խնդրից խուսափելու համար այս պահին քննարկվում է ավիացիոն փոխադրումների իրականացման հարցը: Մարտիրոսյանը, սակայն, ընդգծում է, որ գնային առումով այն ավտոտրանասպորտային փոխադրումից բավականին թանկ է արժենում՝ գրեթե 8-10 անգամ ավելի, այդ պատճառով, նրա դիտարկմամբ, ավիացիոն փոխադրումները կարող են միայն կատարվել «ֆորսմաժորային» իրավիճակում։
լուսանկարը` mtc.am
Մեկնաբանել