Ազգային ժողովի արդեն իսկ ընտրված պատգամավոր Նիկոլ Փաշինյանը քիչ առաջ իր ֆեյսբուք էջում հեռարձակված ուղիղ եթերի ժամանակ հայտնեց, որ մայիսի 14-ին կայանալիք Երևանի ավագանու ընտրություններում գլխավորելու է «Ելք» դաշինքի ցուցակը՝ քաղաքապետի թեկնածություն առաջադրելով։ 

«Այս ընտրություններին մասնակցում ենք  միայն մեկ նպատակով՝ հաղթելու այդ ընտրություններում և ստանձնելու Երևան քաղաքի քաղաքային իշխանությունը»,-նշեց նա։ 

Պատգամավորը հավաստեց, որ այս որոշումը հեշտությամբ չի կայացրել, քանի որ մեկ շաբաթ առաջ արդեն իսկ ընտրվել է պատգամավոր։ Իր կարծիքով՝ մեկ շաբաթ առաջ կայացած ընտրությունների արդյունքները ցույց են տվել, որ քաղաքացիներն իրենց օգտին քվեարկել են, որպեսզի օգտագործեն փոփոխությունների բոլոր հնարավորությունները։ Նրա խոսքով՝ Հայաստանի քաղաքացիներին օգնելու են՝ գտնել հուսահատության փոսից դուրս գալու ելքը։

Լուսանկարը՝ «Ելք» դաշինքի ֆեյսբուք էջից