Դիանա Ղազարյան

Սարո Բաղդասարյան

Երևանի ավագանու մայիսի 14-ի ընտրություններում, որպես քաղաքապետի թեկնածու, առաջադրված է նաև «Երկիր Ծիրանի» կուսակցության նախագահ, արդեն նախկին պատգամավոր Զարուհի Փոստանջյանը։

2007 թվականից «Ժառանգություն» խմբակցությունից պատգամավորի պաշտոնը զբաղեցնող Փոստանջյանը խորհրդարանական այս ընտրություններին հրաժարվեց մասնակցելուց, քանի որ «Ժառանգություն»-ը դաշինք կազմեց Սեյրան Օհանյանի և Վարդան Օսկանյանի հետ։

Պատգամավորը նաև հրաժարեց այլ կուսակցության ցուցակովլ խորհրդարանական և Երևանի անագանու ընտրություններում առաջադրվելուց՝ պատճառաբանելով, որ դեմ է «սպոնտան միություններին»։

Արդյունքում այս տարվա ապրիլի 7-ին գրանցեց իր հիմնած «Երկիր Ծիրանի» կուսակցությունը, որի առաջին ընտրությունը լինելու է մայիսի 14-ին։

Քաղաքապետի թեկնածուն կարծում է՝ այդ օրը երևանցին հնարավորություն ունի քաղաքի կառավարումը սկսել զրոյական կետից, և իրենց կուսակցությունն էլ ի վիճակի է միլիարդների հասնող ազգային կարողությունը ներդնել Երևանի զարգացման համար։