HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հանրապետության մի շարք ավտոճանապարհներին ձյուն է տեղում

Տրանսպորտի,կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 6-ին՝ ժամը 20:00-ի դրությամբ, Մարտունու, Կոտայքի, Ճամբարակի, Գավառի, Մարալիկի, Ախուրյանի, Եղեգնաձորի, Վայքի, Ջերմուկի, Լոռու, Բաղրամյանի, Սիսիանի, Մեղրու, Հրազդանի, Սպիտակի, Թալինի, Աշոցքի, Թումանյանի տարածաշրջանների ավտոճանապարհներին, Սարավանի և Վարդենյաց լեռնանցքներում ձյուն է տեղում:

Ախուրյանի ճանապարհներին բուք, մերկասառույց և խիտ մառախուղ է, տեսանելիությունը՝ 20-30մ: Վարդենյաց լեռնանցքում ևս տեղ-տեղ մերկասառույց է:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման, աղով ու ավազով մշակման աշխատանքներ:

Վթարներից, պատահարներից, խցանումներից և արտակարգ իրավիճակներից խուսափելու նպատակով նախարարությունը վարորդներին հորդորում է երթևեկել բացառապես ձմեռային անվադողերով:

Հանրապետության միջպետական և հանրապետական նշանակության բոլոր ավտոճանապարհները բաց են: