Ռումբի մասին ահազանգ «Սիլաչի» հյուրանոցում. փրկարարները դեպքի վայրում են
Օգոստոսի 15-ին, ժամը 21:33-ին քաղաքացին ահազանգել է «911» ծառայությանը և սպառնացել, որ պատրաստվում է ռումբ տեղադրել Երևան քաղաքի Տիգրան Մեծի պողոտայում գտնվող «Սիլաչի» հյուրանոցում:
Դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Ժամը 22:20-ին փրկարարներն ավարտել են հյուրանոցից մարդկանց տարհանումը (120 հոգի). որոնողական աշխատանքները շարունակվում են:
Կտրվի լրացուցիչ տեղեկություն:
Հիշեցնենք, որ այսօր «911» ծառայությանը նման մի հեռախոսազանգ էր եղել։ Քաղաքցանի հայտնել է, որ պատրաստվում է պայթեցնել առողջապահության նախարարության շենքը: Ահազանգից հետո Կառավարության 3-րդ մասնաշենքի աշխատակիցները տարհանվել են, սակայն շենքում վտանգավոր ոչինչ չի հայտնաբերվել:
Մեկնաբանել