Օգոստոսի 23-ին տեղի է ունեցել «Օրինաց երկիր» կուսակցության քաղաքական խորհրդի ընդլայնված նիստը: Նիստում միաձայն որոշում է կայացվել 2018 թ. սեպտեմբերի 23-ին կայանալիք Երևան քաղաքի ավագանու ընտրություններին մասնակցության մասին` «Մենք ենք ու մեր Երևանը» կարգախոսով: Քաղաքական խորհրդի որոշմամբ` ընտրական ցուցակը կգլխավորի ՕԵԿ փոխնախագահ Մհեր Շահգելդյանը: Այս մասին տեղեկացնում է կուսակցությունը: 

Երկուշաբթի՝ օգոստոսի 27-ին, ժամը 12:00-ին, ՕԵԿ գրասենյակում տեղի կունենա մամուլի ասուլիս, որին կուսակցությունըը հրավիրում է զանգվածային լրատվության բոլոր միջոցների ներկայացուցիչներին: