609 մլն 700 հազար դրամ` Կոտայքի մարզի սուբվենցիոն ծրագրերի համար
Հաստատվել են Կոտայքի մարզի տարբեր համայնքներից Տարածքային կառավարման և զարգացման նախարարություն սուբվենցիոն ծրագրով ֆինանսավորման ներկայացված 17 հայտեր: Ծրագրի ընդհանուր բյուջեն կազմում է 609 մլն 700 հազար դրամ:
Ինչպես տեղեկացնում է մարզպետարանը, քաղաքային և գյուղական մի շարք համայնքներում իրականացվելու են հետևյալ ծրագրերը.
- Գեղաշեն – Համայնքի խմելու ջրի ջրագծերի կառուցում,
- Ակունք – Զառ բնակավայրի ոռոգման ցանցի վերանորոգում,
- Նոր Գյուղ բնակավայրի կոյուղու արտաքին ցանցի վերանորոգում,
- Հատիս բնակավայրի խմելու ջրի ջրատարի հիմնանորոգում,
- Նոր Երզնկա – Համայնքային ճանապարհների ասֆալտապատում,
- Քասախ – Համայնքային ճանապարհների ասֆալտապատում, համայնքապետարանի վարչական շենքում «Մեկ պատուհանի» սկզբունքի ներդրում և խորհրդակցության դահլիճի վերանորոգում ու կահավորում, Էներգախնայողության ծրագիր,
- Քանաքեռավան – Ներհամայնքային ճանապարհների վերանորոգում, մշակույթի տան վերանորոգում, փողոցային լուսավորության անցկացում,
- Բյուրեղավան – Մշակույթի տան կապիտալ նորոգում, Պուրակի կառուցում,
- Մեղրաձոր – Աղբահանության և կոմունալ տնտեսության կազմակերպման համար տեխնիկայի ձեռքբերում,
- Առինջ - ճանապարհների բարեկարգում:
Ծրագրերի մի մասն արդեն իրականացման փուլում է, մյուսներին ընթացք կտրվի փուլային ընթացակարգերով:
Սուբվենցիոն ֆինանսավորման ներկայացված ևս 14 ծրագրային հայտեր հանձնաժողովի կողմից կուսումնասիրվեն հաջորդ նիստերի ընթացքում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել