«Զանգեզուր կենսոլորտային համալիր» ՊՈԱԿ-ի տարածքում բռնկված հրդեհը մեկուսացվել է
Այսօր «Զանգեզուր կենսոլորտային համալիր» ՊՈԱԿ-ի տարածքում բռնկված հրդեհը ժամը 19:45-ին մեկուսացվել է:
Արտակարգ իրավիճակների նախարարությունը տեղեկացնում է, որ հրդեհաշիջման աշխատանքներին մասնակցել են Վահրավար գյուղի 4 բնակիչ և «Արևիկ» ազգային պարկի աշխատակիցներ: Վահրավար գյուղի բնակիչների կողմից սահմանվել է հերթապահություն:
Համաձայն ԱԻՆ-ի տեղեկատվության, սեպտեմբերի 7-ին` ժամը 14:20-ին, «911» ծառայությանն ահազանգ է ստացվել, որ հրդեհ է բռնկվել Սյունիքի մարզի Վահրավար գյուղի անտառամերձ տարածքում:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ այրվում է մոտ 6 հա բուսածածկույթ և 400 դեկորատիվ ծառ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել