Գյումրիում 57-ամյա կնոջ սպանության գործով ձերբակալվել է ռուսական ռազմաբազայի զինծառայող
Գյումրիում 57-ամյա կնոջ սպանության գործով ձերբակալվել է ռուսական ռազմաբազայի զինծառայող: Այս մասին «Հետք»-ի հարցին ի պատասխան հայտնեցին գլխավոր դատախազությունից:
Նշենք, որ դեկտեմբերի 3-ին լուր տարածվեց այն մասին, որ անհայտ անձը դաժան ծեծի է ենթարկել Գյումրի քաղաքի բնակիչ Ջուլիետա Ղուկասյանին։ Վերջինս մարմնական բազմաթիվ վնասվածքներով տեղափոխվել էր «Գյումրի» բժշկական կենտրոն, որտեղ գիտակցության չգալով՝ մահացել էր:
Սպանվածը Գյումրու քաղաքապետարանի բնակկոմունալ բաժնի աշխատակից էր, ընդգրկված է Տիգրան Մեծ փողոցում աշխատող հավաքարարների բրիգադում: Ըստ նախնական տեղեկությունների՝ սպանությունը տեղի է ունեցել այն ժամանակ, երբ կինը գնալիս է եղել աշխատանքի: Թե ինչն է եղել հանցագործության դրդապատճառն, այս պահին պաշտոնական տեղեկություններ չեն տրվել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել