Եվրոպական կենտրոնական բանկը հայտարարել է, որ հունվարի 27-ին կդադարեցվի 500 եվրո արժեքով թղթադրամների թողարկումը։

Համարվում է, որ հենց այս արժեքի թղթադրամներն են օգտագործում փողերի լվացման եւ ահաբեկչության ֆինանսավորման համար։ Եվրոպական մամուլը 500 եվրոանոց թղթադրամներին տվել է «Բեն Լադեն» մականունը։

«2019 թ․ հունվարի 27-ին եվրոգոտու 19 ազգային կենտրոնական բանկերից 17-ը կդադարեցնի 500 եվրո արժեքով թղթադրամների թողարկումը»,-նշված է Եվրոպական կենտրոնական բանկի կայքում զետեղված հայատարարությունում։

Այս որոշումը բանկն ընդունել է դեռեւս 2016 թ․-ին։