ՀՀ կառավարության այսօրվա նիստում որոշվել է մինչև 2016 թ. հետաձգել «Գեոպրոմայնինգ գոլդ» ՍՊԸ կողմից իրականացվող ներդրումային ծրագրով ներմուծվող 300 մլն դրամը գերազանցող արժեքով ապրանքների ԱԱՀ վճարման ժամկետը: Կառավարության փոխանցմամբ` ընկերությունը կառուցելու է  նոր արտադրամաս` ներդնելով Ալբիոն տեսակի տեխնոլոգիա: Վերջինս ներառում է հանքաքարից հարստացված խտանյութի ստացումը, դրա գերմանր աղացումը և թթվածնի օգնությամբ խտանյութի սուլֆիդային մասի օքսիդացումը: 

«Ընկերության ներդրումային ծրագրով նախատեսվում է նաև հիմնովին վերազինել եղած արտադրական հզորությունները, ինչի արդյունքում ընկերությունը կկարողանա 30-35 տոկոսով մեծացնել արտադրանքի ծավալը` զուգահեռաբար ավելացնելով (60-ով) աշխատատեղերը և պետբյուջե ուղղվող հարկային մուտքերը»,- կառավարության նիստում այսպես է հիմնավորվել վերոնշյալ որոշումը:

Լուսանկարը` ecolur.org-ի