Այսօր երեկոյան ժամը 5-ի սահմաններում դիպուկահարի կրակոցից զոհվել է 21-ամյա պայմանագրային զինծառայող Արման Հարությունյանը՝ Տավուշի մարզի սահմանամերձ Ոսկեվան գյուղի շրջակայքում։  Այս մասին «Հետքին» տեղեկացրեց ՀՀ ՊՆ մամուլի խոսնակ Արծրուն Հովհաննիսյանը։ Հակառակորդն այսօր ակտիվորեն կրակել է Բաղանիս եւ Ոսկեվան գյուղերի ուղղությամբ։

Այգեպար, Չինարի եւ Ոսկեպար գյուղերի բնակիչները «Հետքի» հետ զրույցում նշեցին, որ իրենց կողմում այսօր ակտիվություն չի նկատվել․ «Ոսկեվանը Իջեւանի կողմն է, մեր կողմում շատ չեն կրակել՝ օրվա սովորական չափաբաժնով»,- ասաց Չինարիի բնակիչ Գրետա Դալլաքյանը։