Երևանի քաղաքապետ Տարոն Մարգարյանն այսօր հրավիրված խորհրդակցության շրջանակում ներկայացրել  է կոմունալ տնտեսության վարչության նորանշանակ պետ Հրայր Անտոնյանին: Այս մասին տեղեկացնում է քաղաքապետարանը: Վարչության նախկին ղեկավարը Կառլեն Ղազարյանն էր:

Հատկանշելով մայրաքաղաքի համար ոլորտի կարևորությունը, Տարոն Մարգարյանը ընդգծել է, որ այս ոլորտում դեռ անելիքներ կան: «Անելիքները դեռ շատ են, որոնք պետք է հասցնենք ավարտին: Մեր բնակիչների պահանջներն օրեցօր ավելի են մեծանում, ինչը կրկնակի պատասխանատվություն ու հետևողական աշխատանք է պահանջում: Վստահ եմ, որ Հրայր Անտոնյանի փորձառությունը համատեղելով թիմային աշխատանքի հետ, կկարողանանք տեսանելի լուրջ հաջողություններ արձանագրել»,- ասել է քաղաքապետը