Փաստաբան Լուսինե Մարտիրոսյանը քիչ առաջ տեսակցել է «Սասնա ծռեր» խմբի անդամ Գևորգ Իրիցյանին: Ասում է՝ Իրիցյանի առողջական վիճակը ծանր է, այժմ գտնվում է «Նուբարաշեն» քրեակատարողական հիմնարկի բուժսրահում:

«Այս պահին Իրիցյանը դեռ բուժումներ է ստանում: Ձախ ոտքի հատվածում ունի հրազենային և բեկորային վնասվածքներ: Բացի այդ, նա նաև մարմնական այլ վնասվածքներ է ստացել Արցախյան պատերազմի ժամանակներից: Ունի նաև ստամոքսի խոց, ողնաշարի մի քանի ճողվածք, որոնք այս պահին «սրված» վիճակում են»,-նշում է փաստաբանը:

Մարտիրոսյանը դեռ իր պաշտպանյալ Գևորգ Իրիցյանի հետ քննարկում է նրան՝ «Նուբարաշեն» ք/կ-ից  ՀՀ ԱՆ «Դատապարտյալների հիվանդանոց» քրեակատարողական հիմնարկ տեղափոխելու հարցը: Երբ Իրիցյանը հստակ որոշի, փաստաբանը միջնորդություն կներկայացնի վարույթ իրականացնող մարմնին:

Փաստաբանը նշում է՝ անցած օրերի համեմատ այս պահին որոշակի փոփոխություն է նկատվում Իրիցյանի առողջական վիճակում: