Ըստ «ՀՀ 2017 թվականի պետական բյուջեի մասին» օրենքի նախագծի, որն օրեր առաջ արժանացավ կառավարության հավանությանը, եկամուտները կազմելու են 1.210 տրլն դրամ, ծախսերը՝ 1.36 տրլն դրամ, իսկ դեֆիցիտը՝ 150.1 միլիարդ դրամ:  Ըստ վարչապետ Կարեն Կարապետյանի՝ «Մենք բավականին կոշտ բյուջե ենք նախատեսում 2017 թվականին»։

Պլանավորվում է բյուջեի  դեֆիցիտի (պակասուրդի) ֆինանսավորմանը ներքին աղբյուրներից ուղղել շուրջ 71.1 մլրդ դրամ, իսկ արտաքին աղբյուրներից՝ ավելի քան 79 մլրդ դրամ։

Բյուջեի ծախսերի կազմում համեմատաբար մեծ բաժին է հատկացվելու սոցիալական պաշտպանություն, ընդհանուր բնույթի հանրային ծառայություններ և պաշտպանություն ոլորտներին։ Ընդհանուր առմամբ, պետական բյուջեից հատկացումներն, ըստ բյուջետային ծախսերի գործառական դասակարգման, ունենալու են հետևյալ բաշխվածությունը. 

Ինչպես երևում է, նախատեսվում է  եկող տարվա բյուջեի ծախսերից (1.36 տրլն դրամ) ավելի քան 30%-ն ուղղել սոցիալական պաշտպանությանը, 20.3%-ն՝ ընդհանուր բնույթի հանրային ծառայություններին, 15.4%-ը՝ պաշտպանությանը, իսկ մնացած 34.2%-ը՝ 8 ոլորտների (կամ ուղղությունների) միասին։ Բոլոր ոլորտների դեպքում բյուջեի ծախսերը բաշխված են նաև ըստ ենթաոլորտների։