Նոյեմբերի 24-ին կայացած Հեռուստամարաթոն 2011-ն արձանագրեց 12.286.478 ԱՄՆ դոլարի նվիրատվություն և նվիրատվության խոստում: Նվիրաբերված գումարները կուղղվեն Արցախի ջրամատակարարման ոլորտը բարելավելուն ու ՀՀ գյուղական համայնքների ենթակառուցվածքները զարգացնելուն:

«Հայաստան» համահայկական հիմնադրամը տեղեկացնում է, որ դեկտեմբերի կեսերին տեղի կունենա ռուսաստանաբնակ հայ գործարարների մասնակցությամբ մոսկովյան դրամահավաք ճաշկերույթը:

Հեռուստամարաթոնի վերջնական արդյունքը հիմնադրամի գործադիր տնօրեն Արա Վարդանյանը կհայտարարի դեկտեմբերի երկրորդ կեսին հրավիրվելիք մամուլի ասուլիսի ժամանակ: