HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիանա Սայադյան

Վարչական վարույթ` ԿԲ գործողություններին իրավական գնահատական տալու համար

Արդարադատության նախարարության աշխատակազմի Անձնական տվյալների պաշտպանության գործակալությունը վարչական վարույթ է հարուցել քաղաքացի Սամվել Սահակյանի դիմումի հիման վրա, որի շրջանակում քննվելու է նրա բողոքն ընդդեմ Կենտրոնական բանկի:

Օրեր առաջ Սամվել Սահակյանը «Հետքին» պատմել էր, թե ինչպես է Կենտրոնական բանկը ոտնահարել իր անձնական կյանքի գաղտնիության իրավունքը եւ իր անձնական տվյալները պարունակող լուսանկարները տրամադրել երրորդ կողմի:

Սամվել Սահակյանը, համարելով, որ կատարվել է ՀՀ Քրեական օրենսգրքի 144-րդ հոդվածով (Անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) արգելված արարք, Գործակալությանը խնդրել է տալ իրավական գնահատական:

Անձնական տվյալների պաշտպանության գործակալությունը Սամվել Սահակյանի դիմումի հիման վրա դեկտեմբերի 27-ին հարուցված վարչական վարույթի կապակցությամբ լսումներ կիրականացնի 2017թ. հունվարի 12-ին: Վարույթի իրականացումը հանձնարարվել է Անձնական տվյալների պաշտպանության գործակալության վարչական վարույթների իրականացման բաժնին:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter