Այսօր Կենտրոնական բանկը որոշում է ընդունել«Ֆ.Ի.Կ.Օ» ունիվերսալ վարկային կազմակերպության լիցենզիան անվավեր ճանաչելու մասին: Հաշվի առնելով բանկային գաղտնիքը` ԿԲ-ն հրապարակել է որոշման միայն եզրափակիչ մասը, որտեղ ներկայացված չեն լիցենզիան անվավեր ճանաչելու պատճառները:

Սակայն, չի բացառվում, որ դա կապված է այս կազմակերպության շուրջ ծավալված իրադարձությունների հետ, որոնց մասին «Հետքը» գրել է: Հիշեցնենք, որ կազմակերպության նախկին բաժնետեր եւ տնօրեն Իրինա Սիմոնյանը կազմակերպության հիմնադրին մեղադրում էր փողերի լվացման  եւ այն բանի մեջ, որ իրեն այլ անձանց միջոցով պարտադրել էր նվիրատվություն անել իր բաժնեմասը: 

«Ֆ.Ի.Կ.Օ» ՈւՎԿ-ն իր հերթին տնօրեն Իրինա Սիմոնյանին մեղադրում էր ընկերությունը անվճարունակության եզրին հասցնելու մեջ: